08:23 / 21-10-2021
Azad Zəngilan - Fotolar
Çin vəziyyəti daha da gərginləşdirir - Siyasilər müharibəni qaçılmaz sayır
Tarix: 13-10-2021 14:17 | Bölmə: Slayd
Çin vəziyyəti daha da gərginləşdirir - Siyasilər müharibəni qaçılmaz sayır

Çin ilə Tayvan arasında gərginlik son zamanlar daha da artıb. Çinin Tayvan hava məkanına göndərdiyi hərbi və bombardmançı təyyarələrə paralel olaraq, ABŞ-ın məxfi şəkildə adaya xüsusi təyinatlılar göndərməsi ilə gərginliyin pik həddə çatdığı bir vaxtda, Çindən gələn daha bir xəbər müharibənin qaçılmaz olduğu qənaətini yaradır.

Reyting.az
xəbər verir ki, Çinin Tayvanı işğal planı hazırladığına dair narahatlıqlar yaşandığı bir mərhələdə Çin ordusu Tayvana qarşı quru qoşunlarının hücum təlimlərinə start verib.

Çin ordusunun rəsmi qəzeti təlimdə hərbi birliklərin, istehkamçıların, gəmi mütəxəssislərinin və hərbi sahənin digər təmsilçilərinin iştirak etdiyini açıqlayıb. Təlimin videosunda Çin əsgərlərinin Tayvanda - dənizin düz kənarındakı əyalətdə qayıqlar, pilotsuz təyyarələr və odlu silahlarla hücum təlimi keçdikləri görünür.

“Röyter” agentliyinin məlumatına görə, kiçik gəmilərdə olan əsgərlər təlim çərçivəsində sahilə hücum edərək tüstü bombaları atıb, tikanlı məftilləri qırıraq, qumda səngərlər qazıblar.

Təlimin dəqiq vaxtı açıqlanmasa da, bu açıqlama Çinin Tayvanın hava hücumundan müdafiə zonasına nüvə qabiliyyətli bombardmançı təyyarələr göndərməsindən dərhal sonra olduğu güman edilir. Çinin bu hərəkətləri müharibənin qaçılmaz olması ilə bağlı iddiaları daha da gücləndirib.

Qeyd edək ki, 1949-cu ildə Mao Zedongun rəhbərlik etdiyi Çin Kommunist Partiyası (ÇKP) hakimiyyəti ələ keçirərək Çin Xalq Respublikasının qurulduğunu elan edib. Bundan sonra Çin Milliyyətçi Partiyasının (Kuomintag) üzvləri Tayvana gələrək 1912-ci ildə qurulan Çin Respublikası hakimiyyətinin adada davam etdiyini bildirərək müstəqillik elan ediblər. Tayvan nümayəndələri 1971-ci ilə qədər Birləşmiş Millətlər Təşkilatının Baş Assambleyasında Çini təmsil ediblər. Pekin hökuməti 1971-ci ildə BMT Baş Assambleyasının səsverməsində Çinin yeganə qanuni nümayəndəsi olaraq qəbul edildikdən sonra Tayvanın beynəlxalq mövqeyi birmənalı olmayıb. Tayvanın Çinin ərazisi olduğunu bəyan edən Pekin, Tayvan Boğazını da öz ərazi suları daxilində sayır.

ABŞ isə Çini daxildən dağıtmaq məqsədilə Tayvandakı mövcud hakimiyyəti müdafiə edir, onun müstəqilliyini tanıyır və silahlı yardımlar göstərir. ABŞ-ın bu addımını onun əsas müttəfiqləri də dəstəkləyir. Hazırda əsas geopolitik savaş və rəqabət məhz bu regionda gedir.




Bölməyə aid digər xəbərlər
{sape_links}{sape_article}