Ən təhlükəli mafiya liderlərindən birini həbs ediblər - Fotolar
Tarix: 25-10-2021 12:39 | Bölmə: Slayd
Ən təhlükəli mafiya liderlərindən birini həbs ediblər

Dünyada narkobaron Eskobardan sonra ən böyük mafiya lideri həbs edilib.

Reyting.az
xəbər verir ki, Kolumbiyada ən çox axtarılan narkotik qaçaqmalçılarından olan Otoniel ləqəbli Dairo Antonio Usuqa hərbiçilərin və polisin birgə əməliyyatı sayəsində saxlanılıb.

Kolumbiyanın şimal-qərbindəki Nekokli qəsəbəsində “Osiris” adı verilən əməliyyat nəticəsində ələ keçirilən Klan del Holfo mafiyasının lideri Otoniel əsgərlər tərəfindən saxlanıldıqdan dərhal sonra helikopterlə təhlükəsiz məntəqəyə aparılıb.

Kolumbiyanın dövlət başçısı Duque bildirib ki, Otonielin saxlanılması 2 dekabr 1993-cü ildə ölü vəziyyətdə ələ keçirilən narkobaron Pablo Eskobardan sonra mafiya liderlərinə vurulan ən böyük zərbədir.



Klan del Kolfo mafiyasının üzvlərinə müraciət edən Kolumbiya prezidenti daha sonra bəyan edib: “Başınıza gələcəkdə gələnlər aydın bir məsələdir. Dərhal ədalətə təslim olun, hüququn gücü hər şeydən üstündür”.

Kolumbiya prezidenti həbs edilən Otonielin dünyanın ən qorxulu narkobaronu və narkotik qaçaqmalçısı olduğuna diqqət çəkərək deyib ki, polis və əsgərlərin, habelə sosial liderlərin qatili, eyni zamanda gənc yaşlarında insanların silah altına alınmasında sorumlu şəxs məhz Dairo Antonio Usuqa olub: “Mafiya başçısı təhlükəsizlik qüvvələrinin müştərək əməliyyatı sayəsində ələ keçirilib. Cəzasını çəkməlidir”.

Məlumat üçün qeyd edək ki, Otoniel adam oğruluğu, cinayətkar dəstə yaratmaq, narkotik qaçaqmalçılığı da daxil olmaqla ümumilikdə 120 ittiham üzrə hakim qarşısına çıxarılacaq.

Xatırladaq ki, ölkə hərbçiləri və polisi tərəfindən uzun müddətdir axtarılan Otonielin başına 800 min dollar mükafat qoyulmuşdu.

ABŞ dünyanın ən təhlükəli narkotik qaçaqmalçıları arasında göstərdiyi Otonieli bu ölkəyə tonlarla kokain göndərməkdə ittiham edir. Otoniel hüquq-mühafizə orqanlarının əməliyyatı sayəsində öldürülən qardaşı Juan de Diosdan sonra mafiya liderliyini üzərinə götürmüşdü.





Bölməyə aid digər xəbərlər
bütün xəbərlər
{sape_links}{sape_article}