Vahid Əhmədov: “Günün birində Rusiyanın da qarşısına çıxan dövlət tapılacaq”
Tarix: 10-01-2022 15:55 | Bölmə: Slayd
Vahid Əhmədov: “Günün birində Rusiyanın da qarşısına çıxan dövlət tapılacaq”

“Qarabağda gərginlik gözləmirəm və gözləmək fikrim də yoxdur. Biz 44 günlük müharibədə 3 min şəhid vermişik, 12 minə yaxın qazimiz var. Torpaqlarımızı müharibə yolu ilə almışıq və onu da kiməsə güzəştə getmək kimi niyyətimiz yoxdur”.

Bunu Reyting.az-a Milli Məclisin deputatı Vahid Əhmədov Qazaxıstandakı hadisələr fonunda Qarabağda gərginliyin yaranıb-yaranmayacağı ehtimalını qiymətləndirərkən deyib.

Deputat bildirib ki, Azərbaycanın Türkiyə, Pakistan, Ukrayna ilə münasibətləri sıx qurulmalıdır. Eləcə də Türk Dövlətlər Birliyi özünün hərbi strukturunu yaratmalıdır.

V. Əhmədov qeyd edib ki, hər hansı bir təhlükə gözləmir: “Azərbaycan xalqı kifayət qədər inkişaf edib, yeni nəsillər böyüyüb. Heç kim nə torpağını, nə də müstəqilliyini güzəştə gedən deyil. Həm də arxamızda Türkiyə kimi dövlət var. Eləcə də qardaş Pakistan. Biz niyə problem yaşamalıyıq? Heç bir problem olmamalıdır. Hər şeyin geci-tezi var. Günün birində Rusiyanın da qarşısına çıxan dövlət tapılacaq”.

Deputat diqqətə çatdırıb ki, Azərbaycan xalqı öz torpaqlarını müdafiə edəcək:

“Erməni kimdir ki, bizə qarşı təxribat həyata keçirsin? Müharibədən sonra Azərbaycan Ordusu öz hazırlığını bir neçə dəfə göstərib. Ümid edirəm ki, Qarabağda da sakitlik olacaq. Ən əsası, regionda kommunikasiyalar açılacaq, dəhliz işə düşəcək”.






Bölməyə aid digər xəbərlər
bütün xəbərlər
{sape_links}{sape_article}