Putin ABŞ və NATO-dan istədiyini ala bilməyib - Rusiya prezidenti Çinə üz tutur
Tarix: 14-01-2022 17:03 | Bölmə: Slayd
Putin ABŞ və NATO-dan istədiyini ala bilməyib - Rusiya prezidenti Çinə üz tutur

ABŞ, NATO və ATƏT-lə təhlükəsizlik danışıqlarından əliboş qayıdan rəsmi Moskva Çin-Rusiya əməkdaşlığını inkişaf etdirməyə, Pekinlə əlaqələri ən yüksək səviyyəyə qaldırmağa hazırlaşır.

Reyting.az
xatırladır ki, Rusiya və Çinin xarici işlər nazirlərinin görüşü fevralın 3-də Pekində baş tutacaq. Başqa sözlə, Qış Olimpiya Oyunlarının Pekində keçirilməsi və açılış günü - fevralın 4-də həm də Rusiya-Çin sammiti olacaq.

Rusiya xarici işlər naziri Sergey Lavrov deyib ki, onlar Rusiya-Çin zirvə görüşünə hazırlaşırlar: “Rusiya prezidenti Vladimir Putin Çin lideri Si Cinpinin dəvəti ilə Olimpiya Oyunlarının açılışı günü - fevralın 4-də Pekinə səfər edəcək. Həmin gün ən yüksək səviyyədə miqyaslı danışıqlar olacaq”.

Lavrov əlavə edib ki, Rusiya və Çin liderləri arasında təmaslarda danışıqlar zəngin ikitərəfli gündəliyi ilə seçilən münasibətlərin bütün spektrini əhatə edəcək: “Mən illik sammitləri, hökumət başçılarının illik görüşlərini və hökumət başçılarının görüşlərini hazırlayan Baş nazirin müavinləri səviyyəsində beş komissiyanın illik iclaslarını nəzərdə tuturam”.

Lavrovun sözlərinə görə, dünyada vəziyyətin gərginləşməsini nəzərə alaraq, Rusiya-Çin əməkdaşlığının gündəliyində xarici siyasət məsələləri xüsusi yer tutacaq: “Rusiya və Çin digər həmfikirlərlə birlikdə beynəlxalq hüquq normalarını, bərabərlik, dövlətlərin suverenliyi və ərazi bütövlüyünün qorunması, bütün böhranların siyasi vasitələrlə həlli, daxili işlərə qarışmama prinsiplərini müdafiə edir. Bu prinsiplər BMT Təhlükəsizlik Şurasında və BMT-nin digər qurumlarında konkret situasiyaların praktiki nəzərdən keçirilməsində irəli sürülür və bu kontekstdə beynəlxalq hüququ Qərbin icad etdiyi qaydalarla əvəzləməyə cəhdlər edilir”.

Rusiyanın baş diplomatı qeyd edib ki, Rusiya və Çini həmçinin İranın nüvə proqramı və ABŞ-ın əvvəlki administrasiyasının geri çəkildiyi Birgə Hərtərəfli Fəaliyyət Planının bərpası zərurəti kimi davam edən böhranlı vəziyyətlərə yanaşmaya dair ümumi baxış birləşdirir. “Biz hazırda Əfqanıstan və Mərkəzi Asiya problemlərinin xüsusi yer tutduğu Şanxay Əməkdaşlıq Təşkilatı çərçivəsində sıx əməkdaşlıq edirik. Biz trans-Avrasiya əməkdaşlığının inkişafı kontekstində də əməkdaşlıq edirik. Prezident Putin Böyük Avrasiya Tərəfdaşlığı təşəbbüsünü irəli sürüb. Bu, Avrasiya İqtisadi İttifaqının fəaliyyəti ilə əlaqələndirilir, Çinlə ticarət-iqtisadi əməkdaşlıq haqqında sazişi həyata keçirir və Çinin bir kəmər və yol konsepsiyasını həyata keçirmək üçün praktiki addımlarla uyğunlaşdırılır”, - deyə Lavrov əlavə edib.




Bölməyə aid digər xəbərlər
bütün xəbərlər
{sape_links}{sape_article}