12:10 / 25-06-2022
Sabah yağışlı hava olacaq
Daha bir ölkə Finlandiya və İsveçin NATO-ya üzvlüyünə qarşı çıxır
Tarix: 19-05-2022 11:34 | Bölmə: Slayd
Daha bir ölkə Finlandiya və İsveçin NATO-ya üzvlüyünə qarşı çıxır

Finlandiya və İsveçin NATO-ya üzvlüyünə etiraz edən ölkələrin sayı artır. Türkiyənin etirazlarını dəstəkləyən Xorvatiya prezidenti Zoran Milanoviç də eyni addımı ata biləcəyini ifadə edərək, beynəlxalq ictimaiyyətin diqqətini Bosniya və Herseqovinada etnik xorvatların yaşadığı problemlərə yönəldib.

Reyting.az
xəbər verir ki, Xorvatiya prezidenti Ankaranı dəstəkləyib.

Dünən Brüsseldə keçirilən NATO səfirlərinin toplantısında Finlandiya və İsveçin üzvlük prosesinin başlaması ilə bağlı razılığın əldə olunmadığı bildirilir.

Xorvatiya prezidenti Z. Milanoviç ölkəsinin hərbi alyansdakı nümayəndəsinə Finlandiya və İsveçin NATO-ya üzvlüyünə veto qoymağı tapşırmağı planlaşdırdığını açıqlayıb.

Xorvatiyanın NATO-dakı səfiri Mario Nobiloya iki ölkənin NATO-ya üzv olmasının qarşısını almaq üçün göstəriş verəcəyini deyən Milanoviç, beynəlxalq ictimaiyyətin diqqətini Bosniya və Herseqovinada etnik xorvatların yaşadıqları problemlərə cəlb etməyi və onların lazımi yardımı əldə etmələrini hədəflədiyini bildirib.

Milanoviç jurnalistlərə deyib: “Bosniyada xorvatlar mənim üçün Rusiya-Finlandiya sərhədindən daha vacibdir”.

Qeyd edək ki, Finlandiya və İsveçin illərdir həyata keçirdiyi neytrallıq siyasətindən əl çəkərək NATO-ya üzv olmaq üçün müraciəti hərbi ittifaq daxilində böyük dəstək alsa da, Türkiyə prezidenti Rəcəb Tayyib Ərdoğanın ötən həftə iki ölkənin üzvlüyü ilə bağlı “Müsbət fikirdə deyilik. Skandinaviya ölkələri terror təşkilatının qonaq evi kimidir”,- ifadəsi alyans daxilində sanki şok yaşadıb.

Xorvatiya lideri Türkiyənin açıqlamalarını dəstəkləyərək deyib ki, Türkiyə milli maraqlar uğrunda necə mübarizə aparacağını göstərir: “Türkiyə istədiyini almayana qədər münasibətini dəyişməyəcək”.

Xorvatiya mediası yazır ki, prezident Milanoviçin açıqlamalarına baxmayaraq, hökumət iki ölkənin NATO-ya üzvlüyünü qəbul etməyə hazırdır.

Beynəlxalq media isə qeyd edir ki, Brüsseldə görüşən NATO nümayəndələrinin Finlandiya və İsveçin üzvlük prosesinin başlaması ilə bağlı razılığa gələ bilməyəcək. Adlarını açıqlamayan diplomatik mənbələr hansı ölkələrin etiraz etdiklərini açıqlamayıblar. Mənbələr Türkiyənin dünən NATO səfirləri səviyyəsində keçirilən toplantıda danışıqların davam etdirilməsinin əleyhinə səs verdiyini iddia edib. Litvanın NATO-dakı nümayəndəsi Deividas Matulionis, görüşdə ölkələrin milli təhlükəsizliyi ilə bağlı məsələləri gündəmə gətirdiyini ifadə edərək, “Bu, Türkiyənin şərhindən asılıdır”,-deyib.

NATO-nun baş katibi Yens Stoltenberq bildirib ki, bütün məsələlər gündəmə gətiriləcək və tezliklə nəticə əldə olunacaq.

Rusiyanın Ukraynaya müdaxiləsindən sonra NATO ilə əməkdaşlığını artıran Finlandiya və İsveçin üzvlük prosesinin 8-12 ay arasında çəkə bilər, lakin bunun üçün NATO-nun 30 üzvünün hamısının razılığı tələb olunur.




Bölməyə aid digər xəbərlər
{sape_links}{sape_article}