12:10 / 25-06-2022
Sabah yağışlı hava olacaq
Putin daha təhlükəli silah və texnikanı Ukrayna ilə döyüşə göndərir - Fotolar
Tarix: 19-05-2022 14:39 | Bölmə: Slayd
Putin daha təhlükəli silah və texnikanı Ukrayna ilə döyüşə göndərir

Ukrayna müharibəsinin gedişatını dəyişmək istəyən Rusiya prezidenti Vladimir Putin indiyədək istifadə olunmayan güclü silahlarını işə salıb. “Terminator” adlandırılan BMPT tank dəstək vasitəsinin Ukraynaya göndərildiyi, “Peresvet lazer sistemi”nin də müvəffəqiyyətlə sınaqdan keçirildiyi bildirilir.

Reyting.az
xəbər verir ki, döyüş meydanında ciddi irəliləyişə nail ola bilməyən Rusiya paytaxt Kiyev və ətrafdakı qoşunlarını Ukraynanın Şərq hissəsinə istiqamətləndirib. Hətta Donbassı ələ keçirməyə kömək məqsədilə “Terminator”lar da Ukraynaya göndərilib.

Qeyd edək ki, müharibənin əvvəlində Rusiya prezidenti Ukraynaya “Terminator” göndərməmişdi, lakin uğursuz nəticələr Putini məşhur maşınları döyüşə göndərmək məcburiyyətində qoyub.

Məlumata görə, dörd tank əleyhinə raket buraxılış qurğusu, iki 30 mm-lik top, iki qumbaraatan və bir pulemyotla təchiz edilmiş avtomobilin maksimal sürəti saatda 36 mildir.



Tankdakı tam təchiz olunmuş silahlar “Terminator”a tanklardan tutmuş piyada maşınlarına, vertolyotlardan tutmuş alçaqdan uçan təyyarələrə qədər müxtəlif hədəfləri vurmağa imkan verir. İstifadə olunan tank şassisi avtomobilin mühafizəsi ilə yanaşı sahədə hərəkətliliyini də asanlaşdırır.

Rusiya mediası Putinin sevimlisi olduğu deyilən “Terminator”u döyüş meydanında “oyunu dəyişdirən” vasitə kimi qələmə verir.

“T-90” Rusiyanın ən qabaqcıl tankıdır və onun baza modeli 1992-ci ildə istifadəyə verilib. 4 milyon sterlinq dəyərində olan “T-90M” tankın ən son versiyasıdır və 2016-cı ildən istifadədir.

Qeyd edək ki, Ukrayna bu həftə Britaniya istehsalı “Brimstone” raketlərindən istifadə edərək ilk dəfə Donbass bölgəsində Rusiya tanklarını vurduğunu açıqlayıb. “Terminator”ların Ukraynanın əlində olan yeni silahlar və Rusiyanın əsas ordu tankları olan “T-90M”-lərin döyüş meydanında ciddi zədələnməsindən sonra işə salındığı düşünülür.

“Terminator”lar Luqansk vilayətində Severodonetsk yaxınlığında aşkarlanıb.

Bildirilir ki, tanklar Ukrayna mövqelərində zirehli texnika və tank əleyhinə raket sistemlərini məhv edib.

Xatırladaq ki, “Terminator”lardan əvvəllər Suriyada istifadə olunub və fevral ayında Ukrayna sərhədinə aparılıb. Rusiyanın göz bəbəyi olan tank ötən il Moskvada keçirilən 9 May - Qələbə Günü hərbi paradında da görünüb.



“Terminator”ların Ukrayna istiqamətində hərəkəti Moskvanın 5 saniyəyə 1500 km uzaqlıqdakı peykləri korlaya biləcəyini iddia etdiyi yeni lazer silahının buraxılması ilə eyni vaxta düşüb. “Peresvet lazer sistemi” ilk dəfə 2018-ci ildə V. Putin tərəfindən elan edilib, lakin heç vaxt hərbi hissələrə təqdim olunmayıb.

Pilotsuz təyyarələri və digərlərini məhv etmək üçün nəzərdə tutulan sistem çərşənbə axşamı sınaqdan keçirilib və 5 km uzaqlıqda bir pilotsuz təyyarəni yandırıb. Kremlin hərbi inkişafa cavabdeh rəsmisi Yuri Borisov Moskvada keçirilən konfransda deyib ki, “Peresvet” geniş şəkildə yerləşdirilib və 1500 km uzaqlıqdakı peykləri kor edə bilər.

Borisov sistemin ilk nümunələrindən hərbi əməliyyatlarda istifadə olunduğunu da diqqətə çatdırıb.




Bölməyə aid digər xəbərlər
{sape_links}{sape_article}