12:10 / 25-06-2022
Sabah yağışlı hava olacaq
Türkiyəyə qarşı gizli ittifaqın arxasında Rusiya ilə İran gizlənib
Tarix: 18-06-2022 17:59 | Bölmə: Slayd
Türkiyəyə qarşı gizli ittifaqın arxasında Rusiya ilə İran gizlənib

Türkiyənin Suriyada mümkün hərbi əməliyyat keçirmək ehtimalı son həftələr özünü daha qabarıq göstərsə də, İran və Suriya terror təşkilatları və qruplarının YPG terrorçuları ilə birlikdə əməliyyat mərkəzi yaratdıqları bəlli olub.

Reyting.az
xəbər verir ki, Türkiyəyə qarşı yaradılan mərkəzin arxasında Rusiya və İranın durduğu iddia olunur.

ABŞ-ın “Əl-Monitor” media qurumu yazır ki, Türkiyənin mümkün əməliyyatı ilə bağlı açıqlamaların ardınca terror təşkilatları Rusiya və İranla bir araya gələrək əməliyyat mərkəzi təşkil ediblər.

İddialara görə, Suriyada mövcudluğunu davam etdirən bir çox terror təşkilatı bir araya gələrək yaratdıqları mərkəz “Şimali İldırım” adlanır. Bu mərkəz Hələbin şimalındakı Rusiya hərbi bazasında yerləşir. Əməliyyat mərkəzində hansı terror təşkilatlarının olduğu barədə də məlumat əldə edilib.



Bu mərkəzə girmək hüququ olan terror təşkilatları arasında PKK-nın Suriya uzantısı YPG terror təşkilatı da var. Eyni zamanda İran tərəfindən dəstəklənən “Fatimiyun”, “Hizbullah”a bağlı qrup, eləcə də Suriya rejiminə yaxın qrup və birliklərin olduğu bildirilir.

Anti-Türkiyə ittifaqında 600 nəfərin olduğu və bu rəqəmə Dəməşq rejiminin əsgərlərinin əlavə olunmadığı da qeyd edilib.

“Əl-Monitor”da əməliyyat mərkəzində hər qrupun neçə “yüksək səviyyəli təmsilçisinin” olması barədə də rəqəmlər yazılıb.

Məlumata görə, əməliyyat mərkəzində 2 Rusiya və 3 İran İnqilab Keşikçiləri Korpusunun nümayəndəsi olduğu halda, terror təşkilatı PKK-dan 3, Dəməşq rejimindən isə 2 nəfər təmsil olunur.

“Əl-Monitor” yazır ki, “Şimali İldırım” əməliyyat mərkəzinin məqsədi hərbi cəbhəni istiqamətləndirmək, toqquşmaları koordinasiya edərək, geri çəkilmə limitini təyin etmək və Türkiyənin mümkün hücumu zamanı YPG-yə dəstək verməkdir.

Əsasını YPG/PYD-nin təşkil etdiyi və ABŞ-a arxalanan Suriya Demokratik Qüvvələrinin adını açıqlamayan üzvü “Əl-Monitor”a deyib ki, bu əməliyyat mərkəzini təşkil edən ölkə Suriya rejiminə təzyiq göstərən Rusiya, İran və PKK-dır. “İran şiələrin sıx olduğu əraziləri qorumaq istəyir. Danışıqlar Türkiyə prezidenti Ərdoğanın Suriyadakı hərbi əməliyyatı gündəmə gətirdiyi vaxtdan bəri davam edir”,- deyə mənbə bildirib.

Digər tərəfdən, Qəndildəki PKK liderlərinin Suriya Demokratik Qüvvələri ilə danışıqlar apardığı, Suriya və İran qüvvələrini “Türkiyəyə müqavimət göstərməyə” çağırdığı iddia olunur. Açıqlama verən terrorçu deyib ki, bu səbəbdən Suriya Demokratik Qüvvələri Türkiyənin hücumu zamanı Dəməşq rəhbərliyinə dəstək verəcəklərini açıqlayıb.



Xatırladaq ki, Türkiyə prezidenti Ərdoğan mayın 23-də Suriyanın şimalında və Türkiyə sərhədindən 30 kilometr kənarda hərbi əməliyyat keçirilə biləcəyini açıqlayıb. O, Suriya Demokratik Qüvvələrinin bölgədən çıxarılması və suriyalı qaçqınların bufer zonada yerləşdirilməsi üçün belə bir addımın gündəmdə olduğunu bildirib. Çox güman ki, əməliyyat Türkiyənin Mənbic və Tel Rifat bölgələrində təşkil olunacaq.

Onu da qeyd edək ki, ABŞ və Rusiya Türkiyənin gündəmə gətirdiyi hərbi əməliyyata qarşı olduqlarını açıqlayıblar.

Reyting.az




Bölməyə aid digər xəbərlər
{sape_links}{sape_article}