ABŞ vəziyyəti daha da gərginləşdirir: Türkiyəyə “yox” deyib Yunanıstana 20 “F-35” vermək istəyirlər
Tarix: 08-08-2022 13:44 | Bölmə: Slayd
ABŞ vəziyyəti daha da gərginləşdirir: Türkiyəyə “yox” deyib Yunanıstana 20 “F-35” vermək istəyirlər

ABŞ hərbi təyyarələri Türkiyəyə yox, Yunanıstana verəcəyi təqdirdə vəziyyət daha da kəskinləşə bilər. Bu səbəbdən prezident Co Bayden Konqresi Ankaraya döyüş təyyarələri satmağa razı salmalıdır.

Reyting.az
xəbər verir ki, bu barədə ABŞ-ın aparıcı media qurumlarından olan “Business Insider” Türkiyə-Yunanıstan-ABŞ xəttində baş verən hadisələrə dair geniş şərhində bildirib.

“ABŞ istehsalı olan döyüş təyyarələri üçün tender müharibəsi NATO-nun ən az dost olan üzvləri arasında gərginliyi artıra bilər. Afina və Ankaranın ABŞ-la fərqli münasibətləri var. Bu səbəbdən iki ölkə fərqli cavablar ala bilər. Bu, iki ölkə arasındakı münasibətləri daha da gərginləşdirəcək. İki NATO müttəfiqi arasında kövrək münasibətlər mövcuddur və ABŞ-ın Yunanıstana təyyarə satıb, Türkiyəyə rədd cavabı verməsi həm də bu münasibətləri poza bilər”,- deyə “Business İnsider” Ağ Evə xəbərdarlıq edib.

Türkiyə və Yunanıstanın NATO-nun ən dəyərli, lakin ən düşmən müttəfiqləri olduğu bildirilən təhlildə hər iki ölkənin Vaşinqtondan döyüş təyyarələri almaq istədiyi xatırladılıb. Yunanıstanın 20 ədəd “F-35” almaq istədiyi bildirilərkən, Türkiyənin də qısa müddət əvvəl “F-16” və modernizasiya dəstləri almaq istədiyinə diqqət çəkilir.

Türkiyənin “S-400” almasına görə “F-35” proqramından çıxarıldığını xatırladan yazıda qeyd olunur ki, Yunanıstanın döyüş təyyarələri almaq tələbi Afinanın Vaşinqtonla təhlükəsizlik əlaqələrinin artdığı bir vaxtda baş verir. “Türkiyənin tələbi üçün ABŞ administrasiyası bu satışı dəstəklədiyini söyləyib. Prezident Co Bayden Konqresi bu satışın ABŞ-ın milli təhlükəsizliyi üçün vacib olduğuna inandırmalıdır. Əks halda əlaqələr daha da kəskinləşəcək”.

Türkiyə və Yunanıstanın NATO üçün strateji nöqtədə olduğuna diqqət çəkilən təhlildə qeyd olunur ki, onların münasibətləri NATO-nun qalan hissəsindən fərqli istiqamətdə gedir və biri yeni təyyarə alsa, digəri almasa, bu, uzun müddətdir davam edən rəqabəti daha da pisləşdirə bilər.

Diqqətə çatdırılır ki, Türkiyə ilə Yunanıstan əlaqələri zərifdir və bu, hər an qarşıdurmaya çevrilə bilər. ABŞ-da düşünürlər ki, Ağ Ev bu incə məqamı nəzərə alaraq ona uyğun davranmalıdır.

Məlumat üçün qeyd edək ki, ABŞ-ın Yunanıstana 20 ədəd “F-35” təyyarəsi satmağı gündəmə gətirdiyini və prosesi sürətləndirdiyi açıqlanıb. İlk partiyadan sonra Afinaya daha 20 ədəd “F-35” satmaq variantının da masada olduğu bildirilir.

Onu da diqqətə çatdıraq ki, ABŞ Hərbi Hava Qüvvələri və “Lockheed Martin” şirkətlərindən bəzi səlahiyyətlilər Kritdəki hərbi bazalarla yanaşı, digər hərbi bazalarda da aşkarlama işləri aparacaqlar. Yunan mediası “Türkiyə ilə yaşanan gərginliyə görə Yunanıstan Hərbi Hava Qüvvələrinin bu təyyarələrlə türk qırıcılarını Egeydən uzaqlaşdırmaq istəyib”,- şərhini verib.




Bölməyə aid digər xəbərlər
21-09-2022, 15:10 Putinə təzyiqlər artır

{sape_links}{sape_article}