17:38 / 28-03-2024
Əməkdar artist vəfat edib
Kreml üçün böyük dalan... - Rus ordusu Liman şəhərində mühasirəyə alınır
Tarix: 29-09-2022 15:06 | Bölmə: Slayd
Kreml üçün böyük dalan... - Rus ordusu Liman şəhərində mühasirəyə alınır

Fevralın 24-dən başlayan Rusiya-Ukrayna müharibəsi tərəflərin böyük itkiləri hesabına davam edir. Buna paralel olaraq, Kremlin göstərişi əsasında ilhaq referendumu da təşkil olunub. “Referendum”un məqsədi Ukrayna ərazilərini ələ keçirməkdir. Rusiyanın ələ keçirdiyi Donetskdən gələn xəbərlər isə Kremlin yeni problemlərinə işarədir.

Reyting.az
xəbər verir ki, Rusiya hərbçiləri Donetsk şəhərində mühasirəyə alınır. Liman şəhərinin süqutunun Kreml üçün böyük hərbi uğursuzluq olacağı bildirilir.

Rusiyayönlü nəşrlərdəki hərbi bloqlar Ukraynanın şimal və şərqdə qazandığı uğurlardan sonra Donetsk vilayətinin Liman şəhərindəki rus qüvvələrinin mühasirəyə düşmə ərəfəsində olduğunu iddia edirlər.

İddiaları dərhal təsdiqləmək mümkün olmasa da, yayılan məlumatlarla Ukrayna əsgərlərinin sosial mediada yerləşdirdikləri şəkillər və videolarla üst-üstə düşür.



Şəhərin süqutu Rusiya üçün növbəti hərbi uğursuzluq olacaq və ukraynalıların Luqansk bölgəsinə yolunu açacaq. Yəni, Rusiya tərəfi Donbasdakı yay hücumu zamanı çətinliklə qazandığı uğurlardan məhrum olacaq.

Üstəlik, bu, Rusiyanın bu ayın əvvəlində İzyum və Kupyanski itirdikdən sonra müdafiə xəttini sabitləşdirə bilmədiyini göstərəcək.

“Şəhər son dərəcə həssas vəziyyətdədir”, - Rusiyanın Hərbi Müşahidəçi adlı Teleqram kanalı bildirib.

Ukrayna əsgərləri Novosyolovkada kənd sovetinin binası üzərində bayraq dalğalandırdıqlarının görüntülərini yayıblar. Beləliklə, şimalda Liman ilə düşmənin qabaqcıl qüvvələri görünür.

Qeyd edək ki, Rusiya qüvvələri may ayında Donetsk vilayətinin şimalındakı Limanı ələ keçirmişdi.

Ukrayna qüvvələri bu həftə Rusiyanın geri çəkildikdən sonra yenidən birləşməyə çalışdığı Oskil çayının şərq sahilindəki ərazilərə də zərbələr endirir, mümkün körpü və bərələri vurur.



Bu arada Müharibə Araşdırmaları İnstitutu elan edib ki, Ukrayna ordusunun Limanda rus qoşunlarını mühasirəyə alması realdır. Hazırda Ukrayna müdafiə qüvvələri bir neçə istiqamətdə şəhərə doğru irəliləyir.

Qeyd edək ki, dünən Ukrayna prezidenti Zelenski yaxın günlərdə yaxşı xəbərlərin olacağını bildirib. Böyük ehtimalla Zelenski Liman şəhərinin azad edilməsindən sonra qoşunlarının Luqanski və Donetskə doğru yön ala biləcəyini nəzərdə tutur.




Bölməyə aid digər xəbərlər
{sape_links}{sape_article}