Azərbaycanın və müttəfiqlərinin İranı yerində oturtmağa kifayət qədər gücü var
Tarix: 20-11-2022 09:20 | Bölmə: Slayd
Azərbaycanın və müttəfiqlərinin İranı yerində oturtmağa kifayət qədər gücü var

“İran adlanan dövlət Azərbaycan ərazilərini 30 ilə yaxın işğal altında saxlayan Ermənistanla “bir millət, iki dövlət” düsturu ilə hərəkət edir, ölkəmizə təzyiqlər göstərməyə çalışır. 44 günlük müharibə zamanı da İran tərəfindən Ermənistana ciddi dəstək verilib. Bu dəstək indi daha da güclənir”.

Bu fikirləri Reyting.az-a Demokratik İslahatlar Partiyasının sədri, Milli Məlisin üzvü Asim Mollazadə deyib.

A. Mollazadə İran daxilində baş verən kütləvi etiraz və itaətsizlik prosesinə diqqət çəkərək bildirib ki, insanlar mövcud vəziyyətdən və rejimdən ciddi şəkildə narazıdır. Onun sözlərinə görə, İran əhalisi kobud insan hüquqları pozuntusundan bezib.

A. Mollazadə əlavə edib ki, heç vaxt insanları uzunvədəli basqılarla sındırmaq mümkün olmur: “Belə ölkələrin rəhbərləri sonda mütləq cəza alırlar. İranda qlobal prosesdən söhbət getmir, sadəcə, xalqın qarşısını almaq mümkün deyil. Mən hesab edirəm ki, bu, mütləq olacaq. Totalitar sovet hakimiyyəti dağılıb getdi. Məncə, buna bənzər imperiyalar heç vaxt xalqı sındıra bilməzlər. Sadəcə, bu, vaxt tələb edən məsələdir”.

Mollazadə sonda diqqətə çatdırıb ki, İran ölkəmizə qarşı düzgün aparmasa, Azərbaycanın və müttəfiqlərinin onu yerində oturtmağa kifayət qədər gücü var.

Reyting.az




Bölməyə aid digər xəbərlər
{sape_links}{sape_article}