Rusiya Ukraynaya qarşı kimyəvi silahdan istifadə edə bilər - Xəbərdarlıq
Tarix: 24-11-2022 12:38 | Bölmə: Slayd
Rusiya Ukraynaya qarşı kimyəvi silahdan istifadə edə bilər

ABŞ prezidenti Co Bayden administrasiyası rəsmilərinin fikrincə, Rusiya qoşunları Ukraynadakı döyüş meydanında mövqelərini itirməkdə davam edərsə, prezident Vladimir Putin NATO ilə nüvə qarşıdurmasına getməzdən əvvəl Ukraynada kimyəvi silahdan istifadə edə bilər.

Reyting.az
xəbər verir ki, bu barədə ABŞ-ın populyar “Politico” nəşri yazıb.

Bildirilir ki, məsələ ilə bağlı məlumatı olan altı nəfər öz narahatlıqlarını Bayden administrasiyasına çatdırıblar.

Adının açıqlanmasını istəməyənlər arasında ABŞ Müdafiə Nazirliyinin nümayəndələri də var.



Lakin ABŞ-ın Ukraynada belə bir hücumun qaçılmaz olduğunu söyləməsi üçün heç bir kəşfiyyat məlumatı yoxdur. Əslində, ABŞ Müdafiə Nazirliyinin bir çox rəsmiləri hesab edir ki, qış aylarında döyüşlər dayanacaq və tərəflərdən heç biri mövqelər ələ keçirə bilməyəcək.

“Ancaq döyüş meydanında itkilərin davam etməsi və ya Rusiya ordusunun tamamilə dağılması halında, mütxəssislər belə qənaətə gəliblər ki, Moskva kimyəvi silahdan istifadə edə bilər”, - “Politico” yazır.

“Belə bir hücum gizlətməsi asan olan kimyəvi maddələrlə əlaqələndirilə bilər”, - deyən bir səlahiyyətli, Qərb ölkələrinin Moskvaya qarşı ittiham irəli sürməsini çətinləşdirdiyini söyləyib.

Rəsmilər və ekspertlərin dediyinə görə, Moskvanın eyni vaxtda bir və ya iki nəfərə qarşı “Noviçok” sinir qazından istifadə etdiyi məlum olsa da, bəzi kimyəvi maddələr kütləvi tələfat hücumunda istifadə edilə bilər. Məsələn, bəzi kimyəvi maddələrin aerozollaşdırılması və ya böyük qrup insana zərər vermək üçün sursatlarda istifadəsi mümkündür.

Diqqətə çatdırılır ki, ABŞ Rusiyanın kimyəvi silah imkanlarının artırılmasına sərmayə yatırdığını çoxdan bilir. ABŞ konqresmenlərindən birinin köməkçisi deyib ki, bu ilin payızında senatorlar Rusiyanın kimyəvi silah ehtiyatları və Ukraynadakı təhlükə barədə məlumatlandırılıblar.

“Politico”nun yazdığına görə, Bayden administrasiyası erkən aşkarlama sistemləri və maskalar üçün istehsal gücünə investisiyanı artırmaq planı hazırlayır.

Qeyd olunur ki, əgər şəxsən Kremlin və Putinin rəsmi bəyanatlarına inanırsınızsa, o zaman 2017-ci ilin sentyabrından Rusiya Federasiyasında kimyəvi silah yoxdur və bütün 40 min ton sovet ehtiyatı məhv edilib. Reallıqda isə heç nə məlum deyil.



Eyni zamanda, SSRİ ordusunda ən çox yayılan hərbi zəhərli maddələrin şifrələri məlumdur: Xardal qazı - R-5, Fosgen - R-10, Lyuizit - R-43, Adamsit - R-15, Sarin - R-35, Soman - R-55, Tabun - R-18, Xinuklidil-3-benzilat - R-78 və VR-R - 33.

Onu da qeyd edək ki, kimyəvi hücum və ya qəza halında mülki insanlar dərhal pəncərələri və qapıları, havalandırma boşluqlarını, bacaları sıx bağlamalıdır. Eləcə də pəncərələrdəki çatları kağız və ya lentlə bərkitmək, əlavə təlimatlar üçün televizor və ya radionu yandırmaq, məişət texnikasını və qazı söndürmək tövsiyə olunur.




Bölməyə aid digər xəbərlər
{sape_links}{sape_article}