Azərbaycan-Türkiyə təlimləri Turana gedən yolun başlanğıcıdır
Tarix: 07-12-2022 18:23 | Bölmə: Slayd
Azərbaycan-Türkiyə təlimləri Turana gedən yolun başlanğıcıdır

“Azərbaycan və Türkiyə ordusunun birlikdə “Qardaş yumruğu” təlimi Azərbaycan xalqı tərəfindən dəstəklənir. Şəxsən mən, belə təlimlərin keçirilməsindən qürur duyuram. Son təlimlər bir daha göstərdi ki, biz iki qardaş dövlətik və daima bir-birimizin yanındayıq. Bu təlimin mərkəzi qərargahına Azərbaycan və Türkiyə prezidentlərinin zəng vurub, təlimə qatılan hərbçiləri təbrik etmələri xüsusilə qeyd edilməlidir. Biz hər zaman belə tədbirləri dəstəkləməliyik”.

Bunu Reyting.az-a Azərbaycan və Türkiyənin “Qardaş yumruğu” adı altında keçirdiyi birgə hərbi təlimləri şərh edərkən hüquq müdafiəçisi Novella Cəfəroğlu bildirib.

Bakı şəhəri ərazisi də daxil olmaqla Azərbaycanın İranla sərhəd bölgələrində keçirilmiş bu təlimləri könül xoşluğu ilə qarşıladığını deyən N. Cəfəroğlunun sözlərinə görə, Azərbaycan və Türkiyənin düşməni birdirsə, ordusu da bir olmalıdır: “Bu ölkələr özünü qorumaq üçün birgə orduya malik olmalıdır ki, mümkün təhlükəyə qarşı vahid orqanizm kimi fəaliyyət göstərə bilsin”.

Hüquq müdafiəçisi əlavə edib ki, Azərbaycan və Türkiyə arasında belə sıx əməkdaşlıq Turana gedən yolun başlanğıcıdır: “Biz Turanı qurmalıyıq. Başqa ittifaqlara ehtiyacımız yoxdur. İndi Turan istiqamətinə gedirik. Orduların birlikdə olması bunun ilk işartısıdır. Mən əminəm ki, yaxın gələcəkdə Orta Asiyadakı türk respublikaları da bu prosesə qoşulacaq. Niyə də olmasın? Bu gün Turan ittifaqına gedən yolun cığırlarını görürük. Odur ki, iki ordunun birgə hərbi təlimləri bizim üçün vacibdir”.

N. Cəfəroğlunun fikrincə, İran Azərbaycan və Türkiyə ilə əməkdaşlıq etməlidir: “Orada hakimiyyətdə müəyyən qədər azərbaycanlılar da təmsil olunur. Yaxınlaşmanın olması üçün İranda yaşayan azərbaycanlılara məktəblər açılmalı, universitetlər yaradılmalıdır. Bundan həm şad olarıq, həm də İranın Türkiyə və Azərbaycanla münasibətləri yaxşılaşar. İran rəbərliyi anlamalıdır ki, ermənilərlə dostluğun onlara xeyri yoxdur”.

Reyting.az




Bölməyə aid digər xəbərlər
{sape_links}{sape_article}