Tofiq Zülfüqarov: “Məsələ bitdi, problem Azərbaycanda, ölkə qanunları ilə həll ediləcək”
Tarix: 24-01-2023 16:27 | Bölmə: Slayd
Tofiq Zülfüqarov: “Məsələ bitdi, problem Azərbaycanda, ölkə qanunları ilə həll ediləcək”
Tofiq Zülfüqarov

“BBC-nin əməkdaşı, separatçı Ruben Vardanyandan çox peşəkar müsahibə götürüb, onun gizlətdiyi hər şeyi üzə çıxarıb. Məsələn, jurnalist Ukraynaya ilə bağlı Vardanyandan mövqe soruşub, separatçı isə cavab vermək əvəzinə suallardan yayınıb. Əslində bu sübut edir ki, Vardanyan birbaşa Kremlin layihəsidir. Bu, çox vacib nəticədir. Çünki müsahibə zamanı dünya Vardaniyanın Qarabağdakı fəaliyyətinin rusların layihəsi olduğunu anlayır”.

Bunu Reyting.az-a Azərbaycanın keçmiş xarici işlər naziri Tofiq Zülfüqarov Xankəndi şəhərindəki separatçı Ruben Vardanyanın BBC-yə müsahibəsini şərh edərkən deyib.

Zülfüqarovun sözlərinə görə, Vardanyan müsahibəsində açıq şəkildə Bakı ilə danışıqlara qarşı çıxıb və elan edib ki, onlara danışıqlar lazım deyil: “Arqument kimi onu göstərib ki, biz nə status, nə də başqa şey istəyirik. Dövlətimizi qurmuşuq və Azərbaycan bunu qəbul etməlidir.

Burada incə bir məqam var. Qərbdən bəzən çağırışlar olur ki, Qarabağ erməniləri ilə müzakirə aparın, müəyyən status məsələsi müzakirə edilsin və s. Yəni mənasız danışıqlar davam etsin. Ruben Vardanyan isə son müsahibəsi ilə faktiki olaraq danışıqlar prosesini lazımsız elan edib. Bu da vacib məqamdır”.

Keçmiş nazir əlavə edib ki, Vardanyan həm də Azərbaycanın konstitusiya və qanunlarını tanımayacaqlarını, buna müqavimət göstərəcəklərini açıq deyib. Bu isə o deməkdir ki, onlar Azərbaycana qarşı terror müharibəsi aparmaq niyyətindədir.

Zülfüqarov diqqətə çatdırıb ki, Vardanyan həmin müsahibəsində saxta rəqəmlərə də istinad edib, Azərbaycana qarşı əsassız ittihamlar səsləndirib.

Keçmiş nazirin fikrincə, artıq hamıya aydın olur ki, Qarabağdakı separatçılarla danışıq aparmaq olmaz: “Çünki bunlar müharibə istəyirlər. Daha doğrusu, köhnə işlərini təkrarlamaq niyyətindədirlər. Onları da buna sövq edən Rusiyadır”.

Zülfüqarov Vardanyanın sual doğuran bəyanatına da diqqət çəkib:

“Vardanyan deyib ki, bu iş üçün Qərbdən, Vaşinqtondan və Rusiyadan hansısa dəstək alıblar. Bu da o deməkdir ki, Azərbaycan regiona başqa qüvvələrin soxulmasına imkan verməməlidir. İstər Rusiyadan, istərsə də Qərbdən gəlsin. Onların səhnədə olmasına imkan vermək olmaz. Yəni bu məsələ bitdi və problem Azərbaycanda həll ediləcək. Həm də Azərbaycan qanunları əsasında”.

V. QULİYEV
Reyting.az




Bölməyə aid digər xəbərlər
{sape_links}{sape_article}