Vəziyyət gərginləşir: NATO-nun 20-dən çox hərbçisi yaralanıb
Tarix: 30-05-2023 00:04 | Bölmə: Slayd
Vəziyyət gərginləşir: NATO-nun 20-dən çox hərbçisi yaralanıb

Kosovonun şimalında serblərlə toqquşmalarda NATO-nun Kosovodakı Beynəlxalq Missiyasının 20-dən çox üzvü yaralanıb. Reyting.az xəbər verir ki, bu barədə missiya bazar ertəsi məlumat yayıb.

Məlumata görə, Zvecan ərazisindəki etiraz nümayişçilərinin qarşısının alınması zamanı çoxmillətli kontingentin 25-ə yaxın döyüşçüsü yaralanıb.

Daha çox missiyanın italyan və macar kontingenti hücuma məruz qalıb. Onların sınıq və yanıq xəsarətləri aldığı bildirilir.
Yaralılara tibbi yardım göstərilib və hazırda həkim nəzarətindədirlər.

Missiya komandiri Ancelo Mişel Ristucci deyib ki, NATO bölmələrinə əsassız hücumlar qəbuledilməzdir və onlar öz mandatını qərəzsiz şəkildə yerinə yetirməyə davam edəcəklər.

Onu da qeyd edək ki, Serbiya prezidenti Aleksandar Vuçiç serblərin yerli seçkilərin nəticələrini tanımaması səbəbindən qismən tanınan Kosovonun şimalında vəziyyətin gərginləşməsinə görə Kosovonun baş naziri Albin Kurtini ittiham edib.

Serbiya prezidenti deyib ki, Kosovonun şimalında baş verən hadisələrə səbəb Kurtinin istəyindən qaynaqlanır.

O, həmçinin serb nümayişçilərinə qarşı "serbləri qorumayan və zorakılığın qarşısını almayan" NATO sülhməramlılarını tənqid edib.

Y. QACAR




Bölməyə aid digər xəbərlər
{sape_links}{sape_article}