Xatirə İslam Xalq artistlərinə səsləndi: “Niyə susursunuz?”
Tarix: 06-08-2020 11:40 | Bölmə: Şou-biznes
Xatirə İslam Xalq artistlərinə səsləndi: “Niyə susursunuz?”

"Sənət dostlarıma demək istəyirəm ki, mehriban olmalı, hər şeyə səbrlə yanaşmalıyıq. Bu sözləri mən deməli deyildim. Yaşda məndən böyük olan sənət adamlarından üzr istəyirəm. Bu günə kimi gözlədim. Heç biri çıxıb bir kəlmə demədi. Çıxıb biz gənclərə məsləhət vermədilər".

Reyting.az
xəbər verir ki, bu sözləri müğənni Xatirə İslam İnstaqramda canlı yayımda deyib.

Sənətçi fəxri ada layiq görülən sənət adamlarına səslənərə bildirib ki, Xalq artistləri gənc ifaçılara məsləhətlər verib, paylaşımlarına nəzarət etməlidirlər:
"Xalq, Əməkdar artistlər, digər fəxri adlar alan bütün sənət adamları, yaşlı-başlı sözükeçən sənətkarlar çıxıb danışmalı idi. Başa düşürəm, hamı üçün çətindir, mənim üçün də. Biz çıxıb emosional, yalan-doğru danışırıq. Amma sənətkarlarımızı görmürəm. Sizin sənətiniz ölkə başçısı tərəfindən dəyərləndirilib. Bizim böyüklərimiz, ağsaqqlarımızsınız. Siz nə vaxt bizə yol göstərəcəksiniz: filankəs səbr et, danışmaq olmaz, bunu paylaşdın, sil... Bunları siz bizə deməlisiniz”.

Xatirə deyib ki, fəxri adlara layiq görülmək yalnız səhnə fəliyyətindən ibarət deyil:

“Fəxri ad alanlar dövlətə xidmət etməlidir. Xalqın artistisiniz, xalqın yanında olun. Gənc ifaçılar düz olmayan paylaşım edir, narazılıq bildirilər. Haqlı-haqsız videolar yerləşdirirlər. Haqlı olanları qədər, yerli-yersiz söz deyənlər də az deyil. Mən özüm də hansısa yanlış paylaşım etmişəmsə, səbirsizlik edib tez danışmışamsa, karifeyimizin sözünü eşidərəm. Deyərəm, üzr istəyirəm, bir də belə demərəm.

Hamı sakit dayanab, gözləyir ki, toylar başalasın, gedib oxuyaq. O da olacaq...”.

Xatirə ona yazılan "Sənin var yeyirsən, başqasının yoxudur",- sözlərinə belə cavab verib:

"Mənim üçün də ağırdır, çətindir, xoş deyil evdə oturmaq. Müğənnilər, musiqiçilər toy istəyəndə ağzınıza gələni yazırsız. Biz musiqiçi olduğumuz üçün toy istəyirik də. Maşındüzəldən olsaydıq, avtomobil istəyərdik. Adi insanlar var ki, müğənnidən yüz dəfə yaxşı yaşayır.

Bəzən anlayıram ki, biz sənət adamları hər şeyimizi açıb danışmaqla səhv etmişik. Bunu etmək səmimilik yox, ağılsızlıqdır".(Axşam.az)




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}