Baş tutmayan 12-ci abortun “fəsadı”: bioloji ana məşhur qızdan üzr istəyəcək

Xəbər lenti

15:02 / 31-08-2025

lham Əliyev Çində görüşlər keçirib (Yenilənib) - Fotolar

14:51 / 31-08-2025

İlham Əliyev kralı təbrik edib

12:15 / 31-08-2025

Salyanda avtomobil kanala aşıb - Bir nəfər ölüb, beş nəfər xəsarət alıb

11:37 / 31-08-2025

İlham Əliyev Sadır Japarova məktub göndərib

10:15 / 31-08-2025

Çin Azərbaycanın suveren inkişaf modelini dəstəkləyir

09:50 / 31-08-2025

Si Cinpin: Azərbaycan-Çin əlaqələri inkişaf edir

09:16 / 31-08-2025

Hikmət Hacıyev: Zəngəzur dəhlizi Orta dəhlizin imkanlarını genişləndirəcək

09:10 / 31-08-2025

"Qarabağ" bu gün daha bir komanda ilə qarşılaşacaq

08:49 / 31-08-2025

Prezident İlham Əliyevin Çin lideri Si Cinpin ilə görüşü keçirilib - (Yenilənib) - Fotolar

19:36 / 30-08-2025

Bu gündən Bakının bəzi yollarında hərəkət məhdudlaşdırılacaq

19:30 / 30-08-2025

Aİ-nin xüsusi nümayəndəsi Naxçıvana gəlib

18:08 / 30-08-2025

Prezident İlham Əliyev Çinə səfər edib - Fotolar

15:49 / 30-08-2025

Ukrayna Ali Radasının deputatı qətlə yetirilib

12:09 / 30-08-2025

Şüvəlanda yeni ictimai çimərliklər yaradılıb

09:27 / 30-08-2025

Premyer Liqa: bu gün daha iki qarşılaşma olacaq

08:23 / 30-08-2025

Gədəbəydəki qəzada ölənlər var

08:13 / 30-08-2025

Bakı-Ağdam sərnişin qatarı istifadəyə verilib

07:08 / 30-08-2025

Ukrayna yenidən kütləvi hücuma məruz qalıb

00:24 / 30-08-2025

Töhmət alan icra başçısı: “İş olan yerdə nöqsan da olur"

00:10 / 30-08-2025

Azərbaycanla ABŞ arasında Anlaşma Memorandumu imzalanlb

19:01 / 29-08-2025

Bako Sahakyanın ibtidai istintaqa ifadəsi yayılıb

18:25 / 29-08-2025

MİQ üzrə müsahibə mərhələsinin nəticələri elan olunub

18:01 / 29-08-2025

Məhkəmə tiktoker Aysel Mustafayeva haqqında həbs qərarı verib

17:53 / 29-08-2025

Gənclər Liqası və U-17 Liqada 2025/2026 mövsümünün püşkü atılıb

17:43 / 29-08-2025

DÇ-2026: Türkiyə yığmasının heyəti açıqlanıb

17:38 / 29-08-2025

Azərbaycanda saxlanılan Özbəkistan vətəndaşı ölkəsinə təhvil verilib

17:32 / 29-08-2025

Rusiya ABŞ və NATO-nun silah marşrutlarını izləyir

17:15 / 29-08-2025

İtaliyada 60-dan çox turist qidadan zəhərlənib

17:07 / 29-08-2025

Yanan beş qayıqdan ikisi batıb

17:05 / 29-08-2025

Şəbnəm Tovuzlu Rusiyaya buraxılmayıb

Xəbər lentinin davamı

Ən çox oxunanlar

18:09 / 27-08-2025

Bakının üç rayonunda söküntü işlərinə başlayırlar

13:31 / 28-08-2025

Bakıda nəqliyyatda gedişhaqqı artırılacaq? - Açıqlama

12:50 / 27-08-2025

Keçmiş rəqiblər barışır: Türkiyə Səddamla əlaqə qurur

13:54 / 27-08-2025

Ağdama növbəti köç karvanı gedib - (Yenilənib)

22:01 / 26-08-2025

Ağstafanın meşə sahəsində yanğın məhdudlaşdırılıb

18:19 / 26-08-2025

Ali təhsil müəssisələrinə qəbul olanların sayı açıqlanıb

19:36 / 30-08-2025

Bu gündən Bakının bəzi yollarında hərəkət məhdudlaşdırılacaq

10:16 / 27-08-2025

Kəlbəcərdə qaz sızması nəticəsində partlayış olub, 4 nəfər xəsarət alıb - Yenilənib

16:24 / 27-08-2025

Sənaye metallarının qiyməti artıb

00:02 / 27-08-2025

Çempionlar Liqası: “Kayrat” tarix yazıb

21:29 / 28-08-2025

Çempionlar Liqası: "Qarabağ"ın rəqibləri müəyyənləşib

23:00 / 28-08-2025

Arne Slot: "Liverpul" üçün "Qarabağ"la qarşılaşmaq xoş olacaq"

Baş tutmayan 12-ci abortun “fəsadı”: bioloji ana məşhur qızdan üzr istəyəcək - Fotolar
Tarix: 31-10-2021 09:46 | Bölmə: Araşdırma / Slayd

Şirift ölçüsü:

Əgər əyyaş Olqa on ikinci dəfə də abort elətdirsəydi, dünya Diana Ankudinova adında istedadlı müğənninin nə üzünü görəcəkdi, nə də səsinə vurulacaqdı...

Reyting.az-ın məlumatına görə, Diana Ceyhun qızı Ankudinova 2003-cü il mayın 31-də Rusiyanın Uzaq Şərqində, Primorsk diyarının Arsenyev şəhərində kasıb və problemli ailədə dünyaya gəlib. Qızın anası - rus Olqa Ankudinova restoranda ofisant işləyir, azərbaycanlı atası Ceyhun Ankudinov isə xırda alverlə məşğul olurdu. Hazırda o, törətdiyi hansısa cinayətə görə həbsxana həyatını yaşayır.

Ailəsi barədə Diananın yadında qalan budur ki, doğma anası hər gün spirtli içki içir, onu döyür, atası ələ salırdı. Acından ağlayanda isə anası qızcığazın başını vannadakı suya basırmış. Bu, onun on ikinci hamilələyi imiş. Buna qədərki on birində olduğu kimi, yenə də uşağı götürtməyi planlaşdırırmış. Amma bu dəfə taleyin hökmü başqa cür olub...

“Mən olmasaydım, qızcığazı öldürəcəkdilər”

“Diana, bağışla, o zaman səni uşaq evinə mən vermişəm. Əgər bunu etməsəydim, həmin ailədə səni öldürəcəkdilər”, - deyə, qızın xalası Svetlana hönkür-hönkür ağlayır. Üç yaşındakı qızını avtobus dayanacağında atıb gedən əyyaş ananın məqsədi ondan məhz canını qurtarmaq imiş. Yəqin içkidən başı ayılmayan, ya da bətnindəki körpəni götürtməyə pulu olmayan Olqadan ötrü “dünyaya icazəsiz gəlmiş körpə” arzuedilməz məxluqa çevrilib. Qızcığaza yazığı gələn xalası Svetlana prokurorluğa ərizə ilə müraciə edir və Diananı Ussuriyskdəki körpələr evinə göndərirlər. “Öz yanıma apara bilməzdim, mənzilim çox darısqal idi. Amma onu əzabın, işgəncənin girdabında da qoymaq olmazdı. Olqa daim içirdi”, - deyə, Svetlana bu gün acı etirafını dilə gətirir.

Diana doğma anasından bu gün də qorxur. Dediyinə görə, ona yemək vermir, başını suya basır, ələ salırdılar. “İndi telefonda mənə deyir ki, yanıma gələcək, məndən bağışlanmasını xahiş edəcək”, - Diana xatırlayır. Danışır ki, hərdən yuxularında anasının qəddar gözlərini görür və belə hallarda psixoloqa müraciət etməli olur. O, bioloji anasını nə qəbul etmək, nə də bağışlamaq fikrində deyil. Fəqət, Olqa Ankudinova hər şeyi inkar edir. “Deyilənlər başqan-ayağa piardır. Əsl həqiqəti tək mən bilirəm. İnternetdə yazılanları oxuyanda ürəyim ağrıyır. Diananın analığına yazılı şəkildə etirazımı bildirəndə mənim üstümə polis göndərdi. Guya ondan pul tələb edirəm”, - Olqa inandırmağa çalışır. Qadın spirtli içkiyə aludəliyini etiraf etsə də, bunun məsələyə dəxli olmadığını söyləyir: “Diana sağlam, qəşəng doğulmuşdu. Bütün qazancımı özümə deyil, ona xərcləyirdim. On aylığında gəzməyə, bir yaşında danışmağa başladı. Gözəl, ağıllı bala idi. Onu uşaq evinə götürəndə yanında olmamışam. Dianaya xalası, mənim bacım baxırdı. Svetlanaya istədiyi pulu verə bilmədiyimə görə, mənimlə dalaşırdı. Bu səbəbdən qisasını aldı, məni övladsız qoydu”.

Hazırda Olqa Ankudinova Ussuriyskdə yaşayır, yenə restoranda ofisant işləyir, özünün dediyinə görə, hər ay aliment ödəyir və hər şeydən göründüyü kimi, yenə içir...

Kəkələdiyinə görə mahnı oxumasını məsləhət görürlər

Üç yaşında uşaq evinə düşən Diana bir il burada qalır. 2008-ci il idi. Ussuriysk uşaq evinin azyaşlı sakinlərini reablitasiya kurslarına göndərmişdilər. Yerli sanatoriyada masajçı işləyən İrina Ponikin 9 yaşlı qızı Anastasiya Dianaya vurulmuş, ona ürəkdən bağlanmışdı. Məhz qızının israrlı xahişlərindən sonra İrina beş yaşlı qızcığazı övladığa götürmək qərarına gəlir. Yaşadığı çətin uşaqlığının digər fəsadı onun kəkələməsi idi. Həkimlər nitq qüsurunu aradan qaldırmaq üçün ona mahnı oxumasını məsləhət görürlər. Artıq ibtidai sinif şagirdi olan Diananı uşaqlıqda yaşadığı qorxular heç cür tərk etmirdi. O, analığından buralardan uzaqlara köçüb getmələrini xahiş edir. Nəticədə 2012-ci ildə ailə Tolyattiyə köçür. Təzə ünvanda musiqi müsabiqələrindəki elə ilk çıxışları tamaşaçıları, dinləyiciləri şoka salır. On üç yaşlı qız özünün güclü səsi və qeyri-adi tembri ilə tamaşaçıları heyrətə gətirirdi. Buna görə musiqi müəlliməsi və analığı Dianaya öz qabiliyyətini Birinci kanalda yayımlanan “Səs. Uşaqlar” şousunda göstərməyi təklif edirlər. İstedadlı gənc müğənni bu ideyanı dərhal dəstəkləyir. Həmin dövrdə Diana Ankudinova Tolyatti şəhər musiqi məktəbinin fotepiano sinfini bitirirdi.

Valeri Meladze: “Belə istedadlı vokalçıya nə öyrədə bilərik?”

2016-cı ildə yeniyetmə Diana “Səs. Uşalar”ın 4-cü mövsümünün ilkin kastinqlərindən keçir, 2017-ci ilin əvvəlində isə “kor” dinləmələrdə iştirak edir. Onun İsveçrənin “Oesch’s die Dritten” musiqi qrupunun repertuarından ifa elədiyi “Jodel Time” mahnısı hamıda şok effekti yaradır. D. Ankudinova öz ifasında yodl (aşağı sinə səsindən yuxarı falsetə qalxma) üslubundan istifadə edir. Bu xüsusi vokal tərzində söz yoxdur, ona səs registrlarının müxtəlif aktavalara çevik keçidləri xasdır. Əslində müasir Rusiya şou-biznesindəki məşhur müğənnilərin heç də hamısı bu cür ifa texnikasına mailk deyil. Maraqlı və ən təəccüblüsü isə o idi ki, layihə rəhbərlərindən heç kim Dianaya tərəf çevrilmədi. Amma zal yeni istedadı ayaq üstündə alqışladı. Artıq səhəri gün bu insident sosial şəbəkələrdə ciddi qalmaqala səbəb oldu. Tamaşaçılar belə istedadlı vokalçının layihəyə düşməməsinə etirazlarını bildirir, münsiflərdən Diananı geri çağırmağı tələb edirdilər. Az sonra münsiflər heyətinin üzvü Valeri Meladze yaranmış vəziyyətə belə şərh verdi:

“Münsiflərin hər biri düyməyə basmaq istəyirdi. Sadəcə, onları saxlayan bir sual vardı: belə istedadlı vokalçıya növbəti turda nə vermək, nə öyrətmək olar? Hamımız bu sualın qarşısında çaşıb qalmışdıq”.

Bütün bunlara baxmayaraq, 14 yaşlı Diana səhnədə qətiyyən tövrünü pozmadı, üzündə səmimi və xoş təbəssümlə münsiflərə gülümsədi. Elə həmin il Diana Ümumrusiya Delfi gənclər oyunlarının qızıl medalına layiq görüldü. О, “Estrada ifası” kateqoriyasında qalib gələrək, 39 iştirakçı arasında birinci oldu.

2018-ci ilin fevral ayında “НТВ” telekanalında “Sən supersən!” («Ты супер!») layihəsinin ikinci mövsümü start götürür. Məlum olduğu kimi, bu tele-şouda valideyn himayəsindən məhrum uşaqlar iştirak edir və bu səhnədə özlərini, istedadlarını bütün ölkəyə tanıtmaq şansı əldə edirlər. Məhz bu yarışda tamaşaçılar Diananın bənzərsiz istedadının bir daha şahidi oldular. O, İndilanın (Adila Sadraya) “Dernière danse” mahnısını fransız dilində ifa edir (Bu musiqi kompozisiyasına sonradan klip də çəkilir). “Sən supersən!”in münsifləri - Sergey Lazarev, Yulianna Karaulova, Viktor Drobış və İqor Krutoy yekdil şəkildə Diananı seçirlər. Onların hər biri gənc ifaçının vokal məharətini yüksək qiymətləndirir. Növbəti mərhələdə “It’s a Man’s Man’s Man’s World” musiqi kompozisiyası təqdim olunur.

O, superdir!

Diananın brinci yarımfinala çıxacağı hamıya bəlli idi və o, yarışın bu mərhələsində “Çeşmə” («Реченька») mahnısını oxuyur. Finalda isə tamaşaçılar misiqi şousunun ən yaxşı iştirakçısına səs verirlər. Səslərin 49 faizini toplayan yeniyetmə vokalçı “Sən supersən!” layihəsinin ikinci mövsümünün qalibi seçilir. Belə möhtəşəm qələbədən sonra Diana bəyan edir ki, bütün həyatını yalnız musiqiyə həsr edəcək. Onun yaradıcılığının minlərlə pərəstişkarı üzə çıxır, Tolyattidə isə istedadlı vokalçı ulduza çevrilir. Diana burada anşlaqla keçən solo-konsetlər verir. Tanınmış bəstəkar və prodüsser İqor Krutoy “Sən supersən!”in qalibinə Moskvada mənzil hədiyyə edir. O, Diananı “Uşaqların Yeni dalğası” («Детская Новая волна») müsabiqəsinə hazırlayır. Diana Ankudinova bu yarışın xüsusi mükafatını qazanır.

2018-ci ilin noyabrında gənc müğənni “Uşaq Avroviziyası”nın finalına milli seçim edəcək münsiflər heyətinə dəvət alır. İlin sonunda D. Ankudinova Kazanda keçirilən “Xeyirxah dalğa” xeyriyyəçilik festivalının qonağı olur. Diana burada İqor Krutoyun “İlin Milad nəğməsi”nin («Рождественской песенки года») yazılmasında iştirak edir.

Rus, ingilis, fransız, ispan dillərində...

2020-ci ildə gənc və artıq milyonların sevimli müğənnisinə çevrilmiş Diana Ankudinova ekstern qaydada orta məktəbin 10 və 11-ci siniflərini bitirir və uğurla Rusiya Teatr Sənəti İnstitutunun estrada fakültəsinə daxil olur. Rus, ingilis, fransız, ispan dillərində oxuyan müğənninin repertuarına “Naməlum sevgilim” («Моя незнакомка») mahnısı daxil olur. Bu mahnının sözlərini çağdaş rus poeziyasının şöhrətli şairəsi Larisa Rubalskaya yazıb. Ötən il həmçinin sevilən vokalçının “Sənin səsinlə” («Голосом твоим») adlı birinci mini-albomunun təqdimatı baş tutur. Payızda isə D. Ankudinova özünün milyonlarla pərəstişkarını təbiətin əsrarəngiz mənzərələri ilə zəngin “Səmaya” («В небо») trekinə çəkilmiş klipi ilə sevindirdi. Diana vokaldan savayı rəsmə meyl göstərir, teatr dərnəyinə gedir və bədii qiraətlə məşğul olur. Bir sözlə, o, hərtərəfli istedadlıdır.

İnstaqramda şəxsi akkauntunu aparan gənc müğənni buraya müntəzəm şəkildə iştirakçısı olduğu və oxuduğu musiqi festivallarından, konsertlərdən fotoları, videoları yerləşdirir, yaradıcılığı və şəxsi həyatı ilə bağlı yenilikləri pərəstişkarları ilə bölüşür. Diananın bir başqa hobbisi gündəlik qeydlər aparmaqdır və bu səbəbdən səhifəsindəki hər bir postunu səmimi sözlərlə, bomondu riqqətə gətirən bədii ifadə vasitələri ilə zənginləşdirir.

Aydın məsələdir ki, indi o, hər tərəfdən qayğı və sevgi ilə əhatə olunub. Diana İrina Poniki özünün doğma anası sanır. Axı, məhz bu fədakar qadın onun tərbiyəsi ilə məğul olub, istedadının parlaması üçün əlindən gələn hər şeyi edib.

Reyting.az

Ana səhifəyə dön