17:38 / 28-03-2024
Əməkdar artist vəfat edib
Dövlət Xidməti: "Səfərbərlik çağırışı ilə bağlı SMS-lər saxtadır"
Tarix: 14-07-2020 16:28 | Bölmə: Cəmiyyət
Dövlət Xidməti: "Səfərbərlik çağırışı ilə bağlı SMS-lər saxtadır"

Səfərbərlik və Hərbi Xidmətə Çağırış üzrə Dövlət Xidməti (SHXÇDX) mobil telefon nömrələrinə səfərbərlik çağırışı ilə əlaqədar sms göndərilməsi ilə bağlı məlumatlara münasibət bildirib.

SHXÇDX-dən Reyting.az-a verilən məlumata görə, yayılan məlumatlar həqiqəti əks etdirmir:

"Azərbaycan-Ermənistan dövlət sərhədinin Tovuz rayonu istiqamətində Ermənistan silahlı qüvvələrinin törətdiyi təxribatla əlaqədar yaranmış vəziyyətdən sui-istifadə edən naməlum mənbədən bəzi vətəndaşların mobil telefon nömrələrinə səfərbərlik çağırışı ilə bağlı SMS göndərilib. Səfərbərlik və Hərbi Xidmətə Çağırış üzrə Dövlət Xidməti rəsmi olaraq bildirir ki, cəmiyyətdə çaşqınlıq yarada biləcək belə məzmunlu məlumatlar həqiqətə uyğun deyildir".

Səfərbərlik və Hərbi Xidmətə Çağırış üzrə Dövlət Xidməti vətəndaşları daha diqqətli olmağa və yalnız rəsmi məlumatlara istinad etməyə çağırıb.




Bölməyə aid digər xəbərlər
{sape_links}{sape_article}