Beyləqanda bir ailənin 4 üzvü öldürülüb, digər ailə kənddən köçürülüb - Yenilənib
Tarix: 02-12-2022 23:41 | Bölmə: Cəmiyyət
Beyləqanda bir ailənin 4 üzvü öldürülüb, digər ailə kənddən köçürülüb

Beyləqan rayonunda bir ailənin 4 üzvü öldürülüb.

Reyting.az
xəbər verir ki, bu barədə Baş Prokurorluğun Mətbuat xidməti məlumat yayıb.

Məlumata görə, dekabrın 02-si saat 22 radələrində Beyləqan rayonunun Tatallar kəndi ərazisində 1995-ci il təvəllüdlü Fuad Cəlilzadə aralarında olan düşmənçilik ədavətinə görə bir ailənin 4 üzvünü öldürməkdə şübhəli bilinərək saxlanılıb.

Faktla bağlı Beyləqan Rayon Prokurorluğunda Cinayət Məcəlləsinin müvafiq maddəsi ilə cinayət işi başlanılıb.

Hazırda istintaq davam edir.

***

Beyləqanda bir ailənin dörd üzvü odlu silahla öldürülüb.

APA-nın əldə etdiyi məlumata görə, qətlə yetirilənlər ata, ana və iki qardaş olub.

Hadisəni törətməkdə şübhəli bilinən 1995-ci il təvəllüdlü Fuad Cəlilzadə ailə üzvlərindən ikisini evdə, ikisini isə yol kənarında güllələyib.

***

Bəyləqanda öldürülən ailə üzvlərinin adı bəlli olub.

Düşmənçilik zəminində öldürülən 4 nəfərin adı aşağıdakılardır:

Quliyev Nadir Cümşüd oğlu – 56 yaş;

Quliyeva Tərgül Sərxan qızı – 51 yaş;

Quluzadə Amin Nadir oğlu – 26 yaş;

Quluzadə Xəyal Nadir oğlu - 29 yaş.

Qeyd edək ki, ailənin 4 övladı olub. Onlardan ikisi Bakı şəhərində yaşayır. Hadisənin genişlənməməsi və təhlükəsizlik tədbirləri nəzərə alınaraq qətli törətməkdə şübhəli bilinən 1995-ci il təvəllüdlü Fuad Cəlilzadənin ailəsi yaşadığı kənddən təxliyə edilib.

***

Beyləqanda törədilən dəhşətli cinayətin təfərrüatı məlum olub.

Lent.az xəbər verir ki, hadisəni törədən Fuad Cəlilzadənin ailəsi ilə qətlə yetirilən ailə arasında düşmənçilik olub.

Bir neçə il əvvəl Fuad Cəlilzadənin atası Loğman Cəlilzadə qətliama məruz qalan ailənin başçısı Nadir Quliyevi yol üstündə yaba ilə vurub. O, yabanı N. Quliyevin qarnına soxub. Həkimlərin səyi nəticəsində o zaman N. Quliyevi xilas etmək mümkün olub. L. Cəlilzadə isə həbs edilib.

Məlumata görə, L. Cəlilzadə həbsdən çıxandan sonra N. Quliyevin ailəsi ilə ədavəti davam etdirib. Nəticədə L. Cəlilzadənin oğlu F. Cəlilzadə ov tüfəngi ilə N. Quliyevin ailəsini güllələyib.

***

Beyləqan rayonunda bir ailənin 4 üzvünü qətlə yetirməkdə şübhəli bilinən Fuad Cəlilzadənin ittiham edildiyi maddə məlum olub.

Məlumata görə, F. Cəlilzadə barəsində Cinayət Məclləsinin 120.2.7-ci (iki və ya daha çox şəxsi öldürmə) maddəsi ilə ittiham irəli sürülüb.

Reyting.az




Bölməyə aid digər xəbərlər
{sape_links}{sape_article}