“Arsenal”ın ispaniyalı baş məşqçisini həmyerlisi əvəz edə bilər
Tarix: 11-11-2019 20:09 | Bölmə: İdman
“Arsenal”ın ispaniyalı baş məşqçisini həmyerlisi əvəz edə bilər

Londonun “Arsenal” klubunun rəhbərliyi növbəti uğursuz oyundan sonra Unai Emerini baş məşqçi postunda əvəzləmək üçün ciddi hazırlaşıb.

Reyting.az
xarici mediaya istinadla xəbər verir ki, londonlular İngiltərə çempionatının növbəti turunda səfərdə “Lester”ə 0:2 hesabı ilə məğlub olublar.

London təmsilçisi 12 turdan sonra İngiltərə çempionatında 6-cı sırada qərarlaşıb. “Arsenal” lider “Liverpul”dan iki dəfə az – 34-ə qarşı 17 xal toplaya bilib.

Məlumata görə, iki həftə əvvəl ispaniyalı Emerini portuqaliyalı Joze Mourinyonun əvəz edəcəyi gündəmə gəlmişdi. Lakin indi onun adı Almaniyanın “Bavariya” klubu ilə çəkilir. Bu səbəbdən də “Arsenal”ın baş məşqçi postuna əsas namizəd kimi İspaniya millisinin keçmiş çalışdırıcısı Luis Enrikenin adı hallanır.

Qeyd edək ki, 49 yaşlı mütəxəssis Enrike 2015-ci ildə “Barselona”nın sükanı arxasında olanda dünyanın ən yaxşı məşqçisi adına layiq görülüb.

O, 2018-ci ilin yayında öz ölkəsinin millisinə rəhbər təyin olunub, ancaq bir il sonra ailə vəziyyətinə görə postunu tərk etmək məcburiyyətində qalıb. Sonradan məlum olub ki, Enrikenin 9 yaşlı qızı xərçəng xəstəliyinə yoluxub və avqustun axırlarında rəhmətə gedib.

“Arsenal”da baş məşqçi dəyişikliyinin Avropa çempionatının qrup mərhələsinin oyunları səbəbindən yaranan fasilədə reallaşacağı gözlənilir.

Reyting.az
скачать dle 10.5фильмы бесплатно




Bölməyə aid digər xəbərlər
26-11-2019, 13:34 AFFA klublara cəza kəsdi

{sape_links}{sape_article}