23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Qurban Qurbanov: “Bu komanda istənilən rəqibə qarşı dominantlıq etməyə çalışır” - Müsahibə
Tarix: 27-11-2019 23:50 | Bölmə: İdman
Qurban Qurbanov: “Bu komanda istənilən rəqibə qarşı dominantlıq etməyə çalışır”

"Qarabağ"ın baş məşqçisi Qurban Qurbanov Avropa Liqasının qrup mərhələsinin 5-ci turunun "Sevilya" ilə səfər oyunu öncəsi mətbuat konfransı keçirib.

Reyting.az
Qol.az-a istinadla xəbər verir ki, Q. Qurbanov əvvəlcə oyun barədə fikirlərini bildirib:

- Yaxşı komandaya qarşı oynayacağıq. Hansı ki, artıq pley-off-a vəsiqəni təmin edib. Biz hər oyuna ciddi yanaşmışıq. Çatışmayan cəhətlərimizi görməyə çalışmışıq. Sabah böyük komandaya qarşı oynayacağıq. 90 dəqiqə mübarizə aparmağa çalışacağıq.

- Maksim Medvedvin durumu nə yerdədir?

- Maksimin durumu pis deyil. Oynama ehtimalı çoxdur.

- İspaniyaya ikinci dəfə gəlirsiniz. "Atletiko" ilə "Sevilya" nə ilə fərqlənir?

- 2 il əvvəl Madrid səfərindən uğurlu nəticə əldə etmişdik. "Sevilya" ilə "Atletiko" fərqli komandalardır. Hər bir halda çox istərdik ki, meydanda yaxşı mübarizə aparıb, intizamlı oyun göstərək.

- "Sevilya" artıq növbəti mərhələni təmin edib. Bu, sizin üçün oyunu asanlaşdırmır?

- "Sevilya" tək-tək komandalardandır ki, belə şeylər haqda düşünmür. Hər oyunda maksimum pressinq edir. Biz bunu Bakıda da gördük. Sona kimi oyuna nəzarət etmək istəyirdilər. Bugünkü açıqlamalarından da görürəm ki, sabah hücum etmək istəyirlər. Mənim düşündüklərimlə üst-üstə düşdü. Bu komanda heyətdən asılı olmayaraq, 90 dəqiqə dinamik futbol oynamağa çalışır.

- "Qarabağ" burdan sərfəli nəticə ilə qayıtmaq üçün necə oynamalıdır?

- Bizim öz oyun üslubumuz var. Bundan əl çəkməməyə çalışırıq və istənilən rəqibə qarşı göstəririk. Bəzən rəqiblər fərqli olur. Bu komandaya qarşı maksimum dərəcədə az boşluqlar verməliyik. Çünki yaradıcı oyunçuları çoxdur. Uğurlu nəticə qazanmaq istərdik. Amma hazırda bizim üçün əsas olan rəqibi düzgün analiz etməkdir. Sabah düzgün oynasaq, istəyimizə nail ola bilərik.

- Burdakı oyun Bakıdakından nə ilə fərqlənəcək?

- Həqiqəti deməliyik. Bu komanda istənilən rəqibə qarşı dominantlıq etməyə çalışır. İstənilən rəqibi müdafiə olunmağa məcbur edir.

- "Sumqayıt"la oyundan sonra taktiki dəyişiklik olacaq?

- Ola bilər ki, dəyişiklik olsun. Heyətə gəldikdə, Dani və Mahir zədədən qayıdıblar. Amma optimal formalarından uzaqdırlar. İstənilən halda yaxşı oyun göstərməyə çalışacağıq.

- Bu gün sizi narahat edən nədir?

- Məni narahat edən bir şey yoxdur. Sadəcə, ona görə narahatam ki, bəzi futbolçular optimal formalarından uzaqdır. Bu da fərqli səbəblərdən olur. Bəzən zədəyə, bəzən də sıx qrafikə görə olub. Amma bu gün bu haqda yox, oyun haqda düşünürəm.




Bölməyə aid digər xəbərlər
23-02-2024, 09:36 Obameyanq tarix yazıb

{sape_links}{sape_article}