16:18 / 01-03-2024
Navalnı dəfn olunub
Rusiya sanksiyalardan yan keçməyin yolunu tapıb
Tarix: 14-11-2023 15:57 | Bölmə: İqtisadiyyat
Rusiya sanksiyalardan yan keçməyin yolunu tapıb

Rusiya neft sanksiyalarından və ABŞ-ın neft satışı üçün tətbiq etdiyi qiymət məhdudiyyətindən tamamilə yan keçməyin yolunu tapıb.

Reyting.az
-ın xəbərinə görə, “Financial Times” yüksək rütbəli Avropa hökumət rəsmisinə istinadla yazıb ki, oktyabr ayında dəniz yolu ilə daşınan Rusiya nefti bir barel üçün 60 dollardan aşağı satılmayıb.

“Son sübutlar göstərir ki, biz tədbirləri sərtləşdirməli olacağıq. Rusiyanın bunu davam etdirməsinə icazə vermək istəyimiz yoxdur”, - avropalı rəsmi əlavə edib.

Məqalədə qeyd olunur ki, Qərb rəsmilərinin narahatlığını oktyabrda Rusiyanın neft satışı ilə bağlı rəsmi statistikası gücləndirir: “Alınan orta qiymət bir barel üçün 80 dolları ötüb. Bununla Kreml Ukraynaya genişmiqyaslı hücumu maliyyələşdirəcək.

Məlumatda bildirilir ki, Rusiya neftinin qiymətlərindəki sıçrayış G7-nin maliyyə axınını məhdudlaşdırmaq cəhdlərinə zərbə vurub.

Məlumata görə, avqust ayında Rusiyadan gələn bütün dəniz neftinin demək olar ki, dörddə üçü Qərb sığortası olmadan keçib. Oktyabr ayında Rusiya neftini daşıyan 134 gəmidən yalnız 37-si Qərb sığortasına malik olub. Bəzi Qərb sığorta şirkətləri Rusiya neft şirkətlərindən və ya treyderlərindən yalan bəyannamələr alıblar və onlar neftin qiymətinin 60 dollardan aşağı olduğuna dair yazılı təminat verməlidirlər.

“Rusiyanın öz neftinə görə aldığı qiymət hələ də oktyabrda orta qiyməti 89 dollar (barel üçün) olan Brent markalı neftdən aşağıdır”, - materialda iddia edilir.

2022-ci il dekabrın 3-də Avropa İttifaqı Şurası Rusiyanın ixrac etdiyi neftin maksimal qiymətini 60 dollar/barel səviyyəsində müəyyən etmək qərarına gəlib. 2023-cü ilin avqustunda “Bloomberg” yazıb ki, qiymət tavanı tətbiq edilmir və Rusiya iyul ayında neft ixracından rekord məbləğdə gəlir əldə edib. 2023-cü il noyabrın 6-da Rusiyanın böyük gəlirlər üçün neft sanksiyaları ilə oynadığı bildirilib.

Analitiklərin fikrincə, Rusiyanın gəmiçilik donanmasının böyüklüyü onun ixracatının böyük hissəsinin məhdudiyyətlərə məruz qalmamasını təmin edir.

Qeyd olunur ki, Rusiya büdcəsinə neft və qaz vergisi daxilolmaları 2023-cü ilin oktyabrında sentyabr ayı ilə müqayisədə iki dəfədən çox, 2022-ci ilin eyni ayı ilə müqayisədə isə dörddə birdən çox artıb. Bu, enerji gəlirlərinin aşağı düşdüyü ilin əvvəlindən kəskin dönüşü əks etdirir.

Bildirilir ki, Rusiya neftin qiymətinin tavanından yan keçməyi öyrənib. Sığorta və gəmiçilik şirkətlərinin, eləcə də “Kpler” analitik şirkətinin məlumatlarına görə, 2023-cü ilin avqustunda Rusiya neftinin tədarükünün dörddə üçü Qərb sığortası olmadan həyata keçirilib ki, bu da barel üçün 60 dollar qiymət həddinə riayət olunmasına təsir edən əsas rıçaqdır.

E. KAMAL




Bölməyə aid digər xəbərlər
{sape_links}{sape_article}