Deputatın obyekti vergidən necə yayınıb? - Detallar
Tarix: 20-08-2019 11:06 | Bölmə: İqtisadiyyat
Deputatın obyekti vergidən necə yayınıb? - Detallar

"Rəsmi açıqlamadan bəlli olur ki, “Relax” bu ilin 7 ayında cəmi 972 manat vergi ödəyib. Bu o deməkdir ki, 20 obyekti olan istirahət mərkəzində hər bir obyekt qeyd olunan müddətdə orta hesabla 48 manat 60 qəpik vergi ödənişi həyata keçirib. Və deməli, hər bir obyektin aylıq vergi ödənişi orta hesabla hətta 7 manatdan da az olub".

Reyting.az
xəbər verir ki, bunu iqtisadçı Vüqar Bayramov bildirib.

İqtisadçı deyir ki, 14 hektar sahəsi olan istirahət mərkəzi üçün hər sotdan istifadə də 7 ayda cəmi 70 qəpik vergi ödənişi deməkdir: "Bu hər torpaq sotunun ayda cəmi 10 qəpik vergi ödənişi anlamına gəlir. Qiyməti kifayət qədər yüksək olan və nəinki mövsüm, hətta digər aylarda da sıxlıq müşahidə olunan bir istirahət obyektinin ayda belə gülməli rəqəmlərlə ifadə olunan vergi ödənişləri gizli iqtisadiyyatın miqyasiın göstərən və əslində, buna qarşı mübarizənin əhəmiyyətini bildirən faktlardandır.

Aydındır ki, “Relax” az vergi ödəyən birinci şirkət deyildi və sonuncu da olmayacaq. Vergilər Nazirliyinin bu məsələdə principal mövqeyi təqdirə layiqdir. Birmənalı şəkildə himayə olunan obyektlərdə vergi intizamının formalaşmasına ehtiyac var. Aydındır ki, qeyri-neft sektorunun inkişafının davamlılığı məhz gizli iqtisadiyyata qarşı mübarizənin hansı səviyyədə səmərli aparılmasından və təbii ki, real sektorda “himayəçiliyin” aradan qaldırmasından asılı olacaq".

Xatırladaq ki, "Relax" deputat İqbal Məmmədova məxsusdur. Həmin obyektdə vergi yoxlamasına mane olunmasına görə ötən gün həbslər həyata keçirilib.




Bölməyə aid digər xəbərlər
{sape_links}{sape_article}