“Sərxoş eşq”in ssenari müəllifi ittihamlarla razılaşmır
Tarix: 25-09-2019 11:30 | Bölmə: Mədəniyyət
“Sərxoş eşq”in ssenari müəllifi ittihamlarla razılaşmır

"Bu filmin əsas mövzusu İrandır. Bir İran ssenariçisi və rejissoru var və onlar əslində, İranın film müəllifləridir”.

Reyting.az
“Armane melli” (İran) nəşrinə istinadla xəbər verir ki, bunu "Sərxoş eşq" filminin ssenari müəllifi Fərhad Tohidi bildirib.

Seenariçi əlavə edib: “Hətta bəstəkar da iranlı olacaq. Filmin ssenarisi iranlı dünyagörüşü ilə yazılıb və filmdə Ruminin İran mənşəli olduğu açıq şəkildə göstərilir. Ancaq bu film müştərək layihə olduğu üçün yalnız kinobazara diqqət yetirmirik. Ruminin Türkiyədə xüsusi müqəddəsliyi var və bu filmin Türkiyədə çox izləyicisi olacaq, buna görə də, onlar üçün də vacibdir. Beynəlxalq aktyor və aktrisalardan ibarət heyət qurmaqdan başqa çarəmiz yoxdur".

Xatırladaq ki, İranın nüfuzlu şiə alimi Ayətullah Məkarim Şirazi rejissor Həsən Fəthinin “Sərxoş eşq” serialının çəkilişini indidən “qeyri-caiz” elan edib. Onun dəftərxanasından yayılan bəyanatda deyilir: “Rəsmi xəbər agentliklərinə istinadla, dövlət büdcəsindən istifadə edərək Şəms Təbrizi barədə milli televiziya serialının çəkilişinə dair xəbərə çox təəssüf edirik”.

Daha sonra bəyanatda qeyd olunur ki, “bu şəxsin fəsadlı əqidəsi və sufilik inancları sapqın və xəbis olub. Şəms “Məqalələri” (“Məqalat”) kimi tanınan əsərində Peyğəmbər qızına təhqir yer alıb”.

Ayətullah Məkarim Şirazi “Sərxoş eşq” seralının gələcəkdə İslam Respublikası üçün təhlükəli nəticələr doğuracağını vurğulayıb: “Qum mədrəsəsinin alimi kimi, bu təhlükəli mövzunu ən qısa müddətdə dayandırmalıyıq. Təsəvvüf cərəyanını təbliğ etdiyindən bu iş icazəli (caiz) deyil və bundan çəkinmək lazımdır”.

İran və Türkiyə ortaq istehsalı olan, rejissor Həsən Fəthinin “Sərxoş eşq” filmi Cəlaləddin Rumi (Mövlanə) və Şəms Təbrizinin dostluğundan bəhs edir. Filmin ssenari müəllifi Fərhad Tohidi və Həsən Fəthidir.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}