12:54 / 24-05-2024
MEDİA müsabiqə elan edib
Zərdüşt Əlizadə: “Paşinyan Bakıya gəlirsə, xoş gəlir”
Tarix: 15-05-2024 14:13 | Bölmə: Siyasət
Zərdüşt Əlizadə: “Paşinyan Bakıya gəlirsə, xoş gəlir”

“Azərbaycan və Ermənistan xarici işlər nazirlərinin Almatı görüşündə müsbət nəticələrin əldə olunduğuna inanıram. İki dövlətin nazirləri və mütəxəssislər bu sənədlərin üzərində ciddi işləyirlər. Nazirlər ciddi məsələlərlə məşğul olduqlarını açıqladılar. Bu, mənim üçün sevindirici haldır ki, iki qonşu dövlət münaqişəyə son qoymaq üçün çalışırlar”.

Reyting.az
xəbər verir ki, bunu Bakupost.az-a açıqlamasında politoloq Zərdüşt Əlizadə deyib.

O, Ermənistanda keçirilən etiraz aksiyalarının Paşinyan iqtidarına heç bir təsir imkanının olmadığını bildirib:

“Müharibə istəyən qüvvələr İrəvanda Qalstanyanın başçılığı altında səfeh nümayişlər keçirirlər. Bu aksiyalar artıq tədricən səngiyir. Çünki xalqlar müharibə istəmir. Əgər hansısa bir məsələni qarşılıqlı razılaşma yolu ilə həll etmək mümkündürsə, bunun nəyi pisdir ki?!”.

Politoloq noyabrda Paşinyanın rəhbərliyi ilə Ermənistan nümayəndə heyətinin Bakıya mümkün səfəri haqda bunları deyib:

“Noyabrda COP29 tədbirinə görə Paşinyan Bakıya gəlmək istəsə, bu, müsbət əlamətdir. O vaxta qədər sülh müqaviləsi imzalansa, yaxşı olar. Ondan sonra da imzalansa, pis deyil. Əsas odur ki, müharibə olmasın. Azərbaycana 70 minə yaxın xarici gələcək və onların arasında 20-30 nəfər erməni olacaq. Gəlsinlər, xoş gəlib, səfa gətirsinlər”.





Bölməyə aid digər xəbərlər
{sape_links}{sape_article}