“Prezident Ərdoğan, iki il əvvələ qədər 23 il kəşfiyyat agentliyinə rəhbərlik etmiş və hazırda xarici işlər naziri vəzifəsində çalışan xarici işlər naziri Hakan Fidan Ankaranın xarici siyasət istiqamətində həlledici mövqelər tuturlar”.

Reyting.az xəbər verir ki, bu barədə Netanyahunun Trampla görüşündən əvvəl İsraildə analitik Smadar Perrinin “Ynet”də dərc etdiyi təhlildə qeyd edilib.

Təhlildə Fidanın prezidentin ən etibarlı kadrlarından biri olduğu və Qərb dairələrində uzun müddətdir Ərdoğanın “beyni” kimi təsvir edildiyi bildirilir.

“Ynet” hesabatında həmçinin ABŞ prezidenti Trampın “xoşladığım sərt lider” kimi təriflədiyi prezident Ərdoğanın Yaxın Şərqdə daha geniş rol oynamağı hədəflədiyi qeyd olunur.

Məqalədə həmçinin regionun əsas ölkələrinə son səfərlərin və Ankaradakı diplomatik əlaqələrin Türkiyənin regional miqyasda yeni bir tarazlıq axtardığını göstərdiyinə diqqət çəkilir. İddiaya görə, Ərdoğan Səudiyyə Ərəbistanı, Misir, Qətər və İordaniya ilə əlaqələrini davam etdirir və Ankara yüksək vəzifəli Amerika nümayəndəsi ilə İran rəsmisini bir araya gətirə biləcək diplomatik platformaya ev sahibliyi etmək imkanını nəzərdən keçirir.

Smadar Perrinin sözlərinə görə, Ankaranın əsas narahatlıqlarından biri ABŞ-nın İrana qarşı mümkün hərbi müdaxiləsi halında Türkiyəyə yeni bir miqrasiya dalğasının gələcəyi ehtimalıdır.

Digər tərəfdən, Ankaranın İran məsələsi ilə bağlı ərəb ölkələri ilə əlaqələrini gücləndirdiyi iddia edilir. Təhlildə Türkiyənin Səudiyyə Ərəbistanı ilə müdafiə sənayesi məhsullarının satışı ilə bağlı danışıqlar apardığı, Misirə investisiya planlarının gündəmdə olduğu və İordaniyaya iqtisadi dəstək variantlarının nəzərdən keçirildiyi bildirilirdi.

Təhlilin ən diqqətçəkən hissələrindən biri İsrail baş naziri Netanyahunun Vaşinqtonda Trampa “Türkiyə təhdidi” adlı sənəd təqdim etməyə hazırlaşmağı ilə bağlı iddiadır. Nəhayət, Səudiyyə Ərəbistanı, Misir, İordaniya və Qətərin İranla diplomatik münasibətlər saxladığı, eyni zamanda Vaşinqtonla güclü əlaqələri olduğu, lakin İsraillə münasibətlərində ciddi fikir ayrılıqları qeyd edilib.

ELÇİN