19:12 / 23-10-2019
XİN başçısı istefa verib
Paşinyanın unutduğu sözlər: "Avrasiya İttifaqına qoşulduqdan sonra Ermənistan ərazinin xeyli hissəsini itirdi"
Tarix: 03-10-2019 10:55 | Bölmə: Siyasət
Paşinyanın unutduğu sözlər: "Avrasiya İttifaqına qoşulduqdan sonra Ermənistan ərazinin xeyli hissəsini itirdi"

“Ermənistandakı keçmiş rejim dövründə Qərbyönümlü müxalifət İrəvanın Rusiyanın rəhbərlik etdiyi Avrasiya İqtisadi İttifaqına (Aİİ) üzv olmasına etirazını bildirir və bundan hökumətin Kremlin təsirində olduğuna dair dəlil kimi istifadə edirdi”.

Reyting.az
"Eurasianet”-ə istinadla xəbər verir ki, bu fikirlər Ermənistanın Aİİ-dəki üzvlüyü və rolu ilə bağlı sözügedən saytdakı məqalədə yer alıb.

Müəllif sözünün davamında yazır:

“Ancaq indi bunu iddia edənlərin əksəri hökumətdə təmsil olduqları üçün müxalifət səssizləşdirilib”.

Daha sonra yazıda qeyd olunur:

“Müxalifətçi parlament üzvü olarkən, Paşinyan mülayim Avrasiya-skeptiki idi. Parlamentin 2017-ci il iclasında Paşinyan bir il əvvəlki ağır döyüşlərdə (2016-cı ilin aprel döyüşləri – red.) Ermənistanın itki verməməsi üçün Aİİ üzvlüyünün faydasının yoxluğundan şikayətlənib. O vaxtlar o deyib: "Avrasiya İttifaqına qoşulduqdan sonra Ermənistan ərazinin xeyli hissəsini itirdi".

Baş nazir vəzifəsini tutduqdan sonra isə Paşinyan qatı Avrasiya İttifaqı dəstəkçisinə çevrilib. Keçən ilin sentyabr ayında ilk dəfə Avrasiya İttifaqı zirvə toplantısında iştirak edəndən qurumun xeyrinə fərqli dəlillər gətirib.

2017-ci ildə “Parlaq Ermənistan” Partiyası – Paşinyanın koalisiya tərəfdaşı Ermənistanın üzvlüyündən bəri 3 il ərzində vurduğu iqtisadi ziyana görə Avrasiya İttifaqından çıxmaq üçün qanun layihəsi təqdim etmişdi. İndi isə partiya Aİİ-yə müxaliflikdən əl çəkib.

"İndi vəziyyət başqa cürdür, Avrasiya İttifaqından çıxmaq üçün lobbi etməyə ehtiyac yoxdur". Bunu partiyanın rəhbəri Edmon Marukyan "Eurasianet"ə bildirib. Onun sözlərinə görə, yeni hökumət Ermənistanın qurumdakı üzvlüyündən İrəvanın maraqlarını daha yaxşı təmin edər.

“Hər halda, Ermənistanın Aİİ üzvlüyünə gəldikdə, onun seçimləri azdır”, - deyə müəllif nəticə çıxarır.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}