15:58 / 12-10-2019
Qarğış edən radikallar
Vahid Əhmədov: “Müharibəyə başlasaq, Rusiya və başqa dövlətlər...”
Tarix: 03-10-2019 16:21 | Bölmə: Siyasət
Vahid Əhmədov: “Müharibəyə başlasaq, Rusiya və başqa dövlətlər...”

“Prezident Vladimir Putinin son dövrlər atdığı addımlar, Ermənistana soyuq münasibəti, habelə hazırda bizim dövlət başçımızın Soçidə Rusiya prezidenti ilə görüşü və digər amillər yəqin ki, müsbət nəticələrə səbəb olacaq”.

Bu fikirləri Reyting.az-a millət vəkili Vahid Əhmədov deyib.
Baş nazirin sabiq müavini əlavə edib ki, Ermənistan Baş nazirinin özünü qeyri-ciddi aparması, “Dağlıq Qarabağı Ermənistana birləşdirmək” kimi uydurma mülahizələri sözsüz ki, hər kəsi qıcıqlandırır.

V. Əhmədov xatırladıb ki, son 30 ildə ilk dəfədir ki, Rusiya xarici işlər naziri Sergey Lavrov Dağlıq Qarabağın Ermənistanın olmadığını bəyan edib: “Lavrov uzun illərdir ki, nazir postunu tutur və bu günə qədər heç vaxt belə bəyanat verməmişdi. İlk dəfədir ki, bunu qeyd etdi.

İkincisi, Vladimir Putinin Yerevanda soyuq qarşılanması, ona “Rustavi-2” kanalı əməkdaşının Abxaziya və Osetiya ilə bağlı verdiyi suallar əslində müəyyən narahatlıqların olduğuna işarədir. Bunların hamısı Azərbaycan üçün müsbət məqamın yetişməsindən xəbər verir. Mən hər zaman demişəm, yenə təkrar edirəm, bu məqamlardan istifadə edərək torpaqlarımzı azad etməliyik. Bunun da yolu müharibədir. Başqa yol yoxdur”.

Sergey Lavrovun “Rusiya tərəfi müharibənin baş verməməsi üçün hər şeyi edəcək” fikrinə gəldikdə, V. Əhmədov bildirib ki, Rusiya özü Abxaziya, Osetiya və Donetski tutanda heç kimdən icazə almayıb: “Biz gedib kiminsə torpağını tutmuruq... Öz torpağımızı istəyir, onu işğaldan azad edirik. Odur ki, zənnimcə, bu məsələdə Rusiya və başqa dövlətlər heç nə deməyəcək. Sadəcə, biz özümüzdə iradə və təpər taparaq torpaqlarımızı azad etməliyik”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}