12:54 / 24-05-2024
MEDİA müsabiqə elan edib
Şiddətli döyüşlər: ruslar Xarkov vilayətinə hücuma keçib - (Yenilənib)
Tarix: 11-05-2024 14:00 | Bölmə: Slayd
Şiddətli döyüşlər: ruslar Xarkov vilayətinə hücuma keçib - (Yenilənib)

Rusiya ordusu Ukraynanın Xarkov vilayətinə hücuma keçib və daha dərinliklərə irəliləməyə çalışır.

Reyting.az
xəbər verir ki, bu barədə Ukrayna Ukrayna Silahlı Qüvvələrinin Baş Qərargahı məlumat yayıb.

Bildirilir ki, Xarkov vilayətinin Liptsi və Volçansk yaşayış məntəqələri istiqamətində əks-hücum tədbirləri davam edir.

Baş Qərargahın məlumatında deyilir ki, sərhəd zonasında boz zonada olan Streleçya, Pılnoye və Borisovka, həmçinin Oleynikovo və Oqirtsevo ərazilərində olan yaşayış məntəqələri üçün də şiddətli döyüşlər gedir.

Rusiya Silahlı Qüvvələrinin Xarkova hücumuna Vaşinqton da reaksiya verib. Ağ evin Milli Təhlükəsizlik Şurasının (MTŞ) strateji kommunikasiyalar üzrə koordinatoru Con Kirbi deyib ki, Vaşinqton buna kömək etmək üçün Kiyevlə öz hərəkətlərini yaxından əlaqələndirir.

Kirbinin fikrincə, ABŞ-dan hərbi yardım axını Ukrayna tərəfinə Rusiya bölmələrinin hücumuna müqavimət göstərməyə kömək edəcək.

Qeyd edək ki, bundan əvvəl Ukrayna prezidenti Vladimir Zelenski deyib ki, Kiyev hadisələrin belə inkişafını gözləyirdi və baş verəcəklərə hazırdır. Ukrayna Müdafiə Nazirliyi isə ehtiyat hissələrini Xarkov vilayətinə köçürdüyünü bəyan edib.

***

Rus ordusu Xarkov vilayətinin sərhəddində bir neçə kəndi ələ keçirib.

Reyting.az
xəbər verir ki, bu barədə Ukrayna Müdafiə Qüvvələrinin pilotsuz uçuş sistemlərinin “Paky Blinders” bölməsinin döyüşçüləri bildiriblər.

Onların sözlərinə görə, işğal olunmuş kəndləri Ukrayna əsgərlərinin qoruması strateji cəhətdən çətin olub. “Ruslar, demək olar ki, sərhəddə yerləşən və strateji baxımdan çətin olan bir neçə kəndi işğal ediblər”, - deyə hərbçilər əlavə ediblər.

Eyni zamanda, “Peaky Blinders” qeyd edib ki, indi döyüşlər dünənkindən qat-qat az aktivdir. Vəziyyət tamamilə sabitləşib.

Xatırladaq ki, mayın 10-da səhər saatlarında rus ordusu Xarkov vilayətində Ukrayna ordusunun müdafiə xəttini yarmağa cəhd edib. Volçansk istiqamətində isə ruslar idarə olunan bombalardan istifadə etməklə hava zərbələri endirib. Cəbhənin bu sektorunda müdafiəni gücləndirmək üçün ehtiyat hissələr göndərilib.

E. KAMAL




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}