23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Villalar, çoxsaylı bağlar, maşınlar, obyektlər, "zapravka"... - İcra başçısının saysız sərvətinin siyahısı
Tarix: 20-08-2019 11:39 | Bölmə: Slayd
Villalar, çoxsaylı bağlar, maşınlar, obyektlər,  "zapravka"... - İcra başçısının saysız sərvətinin siyahısı

Ağdaş rayonunun bir qrup sakini prezident İlham Əliyevə müraciət edib.

Reyting.az xəbər verir ki, bu barədə "Yeni Sabah”a daxil olan müraciətdə rayon sakinləri icra başçısı Tofiq İbrahimovdan şikayət ediblər. Onlar başçının kəndlərdə torpaq sahələrini ələ keçirdiyini, örüş yerlərinin zəbt olunduğunu bildiriblər.

Sakinlər iddia edir ki, İbrahimovun Ağdaşın Dəhnə kəndində 2000 başlıq camış ferması və 200 hektar torpaq sahəsi, həmin kənddə 10 hektar meyvə bağı, Şor Dəhnə kəndində 31 hektar meyvə bağı, Şəmsabad kəndində 200 hektar yonca sahəsi, Tofiqi kəndində 250 hektar arpa sahəsi, balıq gölləri, Mürsəl kəndində 200 hektar çəltik sahəsi, Türyançayın Ağdaş ərazindən keçən hissəsində 4 yerdə daş-qum-çınqıl karxanası, rayonun Zeynəddin kəndində hər həftənin 6-cı günləri işləyən mal bazarı, rayon mərkəzində 2 yerdə böyük tikinti materialları ticarət mərkəzi, 80 ədəd böyük yük avtomobilləri, Ağdaş şəhərində 2 yerdə möhtəşəm villası, Bakı şəhərində 21 yerdə villa və mənzillər, Qəbələ rayonunda isə 3 villası, 1 şadlıq evi, 3 restoranı, 1 Yanacaqdoldurma Məntəqəsi, 2 İstirahət güşəsi, 100 hektar fındıq bağı, ən əsası isə övladlarının adına sənədləşdilimiş Londonda mülkləri, Türkiyədə otel, villaları və mənzilləri var.

Sakinlər həmçinin su problemlərini də dilə gətiriblər. Onlar suvarma suyunun İcra başçısının şəxsi torpaqlarına verildiyindən digər sahələrin susuz qalmasından şikayətləniblər.

Sonda ağdaşlılar Azərbaycan prezidentinə müraciət edərək Tofiq İbrahimovun əməllərinin araşdırılıb onun barəsində ciddi tədbir görülməsini xahiş ediblər.

Qeyd edək ki, müraciəti Ağdaş rayonunun 14 sakini imzalayıb:

1. Əliyev Fazil Sabir oğlu

2. Qarayev Vüqar Tələt oğlu

3. Bəxtiyarov Elşən Nemət oğlu

4. Quliyeva Bahar Nəsib qızı

5. Kamilov Böyükağa Bilal oğlu

6. Osmanova Gülna Kərəm qızı

7. Nəbiyev Solmaz Xəlil qızı

8. Babayeva Sevil Cümşüd qızı

9. Umudov Böyükxanım Məmməd qızı

10. Əliyev Həsən Hüseyn oğlu

11. Adıgözəlov Nəriman Mirzə oğlu

12. İbrahimov Seyfi Tehran oğlu

13. Əliyev Yaqub Məlik oğlu

14. Musayev Mirsəfa Niyazı oğlu.




Bölməyə aid digər xəbərlər
{sape_links}{sape_article}