ABŞ Türkiyəni saxta soyqırımla şantaj edir - Foto
Tarix: 30-10-2019 16:09 | Bölmə: Slayd
ABŞ Türkiyəni saxta soyqırımla şantaj edir

ABŞ Konqresinin Nümayəndələr Palatası ermənilərin heç bir vaxt üzləşmədiyi və saxta sənədlər əsasında hazırlanmış “erməni soyqırmı” ilə bağlı qanun layihəsi hazırlayıb.

Reyting.az
-ın məlumatına görə, Türkiyəyə qarşı yönəlmiş saxta erməni soyqırımı ittihamına münasibət bildirən Türkiyə Prezidenti Ərdoğan deyib ki, ölkəsi Nümayəndələr Palatasının saxta soyqırımla bağlı məlum qərarını tanımır və bu qərarın hüquqi əsası yoxdur:

“Ölkəmizə atılan böhtana görə üzgünük. Bizim inancımızda soyqırımı məfhumuna yer yoxdur. Biz arxivlərimizi də açmışıq. Arxivdə bu məsələ ilə bağlı 1 milyondan çox sənəd var. Ermənilər də arxivlərini açsınlar! Yoxdur axı, necə açsınlar?!”

Ərdoğan qeyd edib ki, 1970-80-ci illərdə ASALA terror təşkilatı 21 fərqli ölkədə Türkiyənin səfirliklərinə 100-dən çox silahlı hücum təşkil edib: “Bununla bağlı əlimizdə sənədlər var. 40-dan çox diplomatımız şəhid edilib. Bundan xəbəriniz var? Nədənsə Türkiyənin itkilərindən danışılmır”.

Ərdoğan vurğulayıb ki, Türkiyə dövləti Nümayəndələr Palatasının hazırladığı sənədə hüquqi müstəvidə layiqli cavab verəcək.

Prezident xəbərdarlıq edərək deyib ki, terror balonu nə zamansa erməni terrorunu, PKK-nı dəstəkləyənlərin əlində partlayacaq:

“Oktyabrın 29-da Konqresdə qəbul edilən iki qətnamənin şahidi olduq. Bundan ölkəmizə qarşı sui-istifadə edə bilərlər.

Bununla belə ölkəmizə atılan iftiranın bir parlamentdə qəbul edilməsindən məyusuq”.

ABŞ Türkiyəni saxta soyqırımla şantaj edir

YAP Siyasi Şurasının üzvü, deputat Musa Quliyev isə Reyting.az-a deyib ki, Türkiyəyə qarşı saxta erməni soyqırımı ilə bağlı qəbul olunan sənəd son dövrlər ABŞ-Türkiyə münasibətlərindəki gərginliyin nəticəsində ortaya çıxıb.

Onun sözlərinə görə, bu məsələ neçə illərdir ki, Amerikada gündəmə gətirilib, müzakirəyə olunub və sonra geri qaytarılıb. Yəni epizodik olaraq bu proses uzun illər özünü açıq göstərib: “Bundan Türkiyəyə qarşı hansısa formada istifadə edilib, amma sonradan geri götürülüb. İndiyə qədər də Amerikanın heç bir prezidenti “soyqırımı baş verib”,- sözünü deməyib. Amma indi bir qədər fərqli vəziyyət yaranıb”.

Musa Quliyev qeyd edib ki, Türkiyə regionda mühüm rol oynayır, bəzi addımlar atır: “İndi Türkiyə-ABŞ münasibətləri korlanıb və Konqresin alt palatası belə bir qanun layihəsi qəbul edir. Açığı, mən bunu anlaya bilmirəm və təəssüf hissi keçirirəm”.

Deputat əlavə edib ki, əslində bu gün Ermənistan böyük dövlətlərin əlində alətə çevrilib: “Faktiki olaraq Ermənistandan qonşu ölkələrə, böyük ölkələrin xoşu gəlməyən dövlətlərə, eləcə də Türkiyəyə qarşı maşa kimi istifadə edirlər. Avropanın da erməni amilindən yararlanaraq Türkiyəyə təzyiqlərini müşahidə etmişik. Elə ABŞ tərəfindən də belə basqıları izləmişik”.

M. Quliyevin fikrincə, Nümayəndələr Palatasının hansı qərar qəbul etməsindən asılı olmayaraq tarix və həqiqət olduğu kimi qalır: “Tarixdə erməni soyqırımı olmayıb. Bu gün “Soyqırım olubdur”,- deyənlər yaxın vaxtlarda həqiqəti söyləməyə məcbur olacaqlar”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}