Ermənistanda rusların idarə etdiyi dəmir yollarına hücumlar başlayır
Tarix: 19-01-2021 12:20 | Bölmə: Slayd
Ermənistanda rusların idarə etdiyi dəmir yollarına hücumlar başlayır

Ermənistanda Cənubi Qafqaz Dəmir Yolu Şirkəti (CQDYŞ) tərəfindən idarə olunan yollar dağıdılır.

Reyting.az
-ın məlumatına görə, Ermənistandakı dəmir yollarını idarə edən şirkət də bunu etiraf edib. Şirkətdən bildiriblər ki, 2021-ci ilin əvvəllərindən dəmir yoluna xarici təsirlər artıb.

Yanvarın 4-də dəmir yolunun Artaşat-Masis hissəsində rabitə kabeli naməlum şəxslər tərəfindən oğurlanıb.

Yanvarın 12-də Dilican-Fioletovo uzanmasında şəxsiyyətləri bəlli olmayan şəxslər yüksək ötürücülük qabiliyyəti olan xəttin bir hissəsini oğurlamağa çalışıblar. Hətta oğurluq cəhdi zamanı qısaqapanma da yaranıb.

Yanvarın 14-də Tsovaqux-Şorja zolağının 102 kilometrliyində rabitə kabeli oğurlanıb. Elə həmin gün nəmalum şəxslər “Almast” növbətçi stansiyasının strukturlarını zədələyərək şirkət tərəfindən idarə olunan əmlaka ziyan vurublar.

Yanvarın 15-də bir qrup şəxs “Armavir” stansiyası binasının giriş qapısı və pəncərələrini sındırıblar.

Şirkət cinayətkarların müəyyənləşdirilməsi və gələcəkdə bənzər hadisələrin baş verməməsi üçün Ermənistanın hüquq-mühafizə orqanları ilə sıx əməkdaşlıq etdiyini bildirib.

Əslində bütün bunlara adi cinayət hadisələri kimi yanaşmaq da olar. Amma işin maraqlı tərəfi odur ki, Ermənistanın dəmir yollarını bütövlükdə ruslar idarə edir. Yəni bu ölkənin dəmir yolları bütövlükdə Rusiya Dəmir Yolları İdarəsinə məxsusdur. İndiki halda belə məlum olur ki, bir qrup və ya bir neçə qrup erməni bilərəkdən və məqsədli şəkildə Ermənistandakı dəmir yollarına ziyan vurur, onun fəaliyyətinə mane olmağa çalışırlar. Bütün bunlar Azərbaycan-Ermənistan arasında (Mehri dəhlizi) dəmir yolu və avtomobil yolunun açılması haqda qızğın müzakirələrin getdiyi bir vaxtda baş verir. Hazırda bu iki məsələnin bir-birilə əlaqəsinin olub-olmadığı dəqiqləşdirilir.

Reyting.az




Bölməyə aid digər xəbərlər
{sape_links}{sape_article}