AMEA-da kadr dəyişikliyi: vəzifədən azad edilənlər və yeni təyinatlar var
Tarix: 22-01-2021 19:52 | Bölmə: Slayd
AMEA-da kadr dəyişikliyi: vəzifədən azad edilənlər və yeni təyinatlar var

Azərbaycan Milli Elmlər Akademiyasının (AMEA) Rəyasət Heyətinin bu gün keçirilən iclasında Radiasiya Problemləri İnstitutunun direktoru Oqtay Səmədov vəzifəsindən azad edilib.

Reyting.az
-ın məlumatına görə, Radiasiya Problemləri İnstitutunun Elmi işlər üzrə direktor müavini Hökmən Mahmudov, Baş mühasib Şəfa Qasımzadə, Kadrlar İdarəsinin rəisi Lətifə Qocayeva da vəzifələrindən kənarlaşdırılıblar.

Bundan başqa, Arif Həşimov Fizika İnstitutunun baş direktoru, fizika üzrə elmlər doktoru Anar Rüstəmov institutun icraçı direktoru, akademik Əli Abbasov İdarəetmə Sistemləri İnstitutunun baş direktoru, AMEA müxbir üzvü Əminağa Sadıqov isə icraçı direktor təyin edilib.

Radiasiya Problemləri İnstitutunun idarəçiliyi müvəqqəti olaraq AMEA-nın Akademik katibi Adil Qəribova tapşırılıb.

Onu da qeyd edək ki, institut direktoru vəzifəsindən azad edilənlərdən biri də akademik Yaqub Mahmudovdur. O, Tarix İnstitutunun direktoru vəzifəsindən kənarlaşdırılaraq, AMEA prezidentinin müşaviri təyin edilib.

Reyting.az




Bölməyə aid digər xəbərlər
bütün xəbərlər
{sape_links}{sape_article}