Çavuşoğlu: “Fərman İsmayılovun nəşinin Azərbaycana göndərilməsi üçün addımlar atılacaq”
Tarix: 24-01-2021 11:45 | Bölmə: Siyasət
Çavuşoğlu: “Fərman İsmayılovun nəşinin Azərbaycana göndərilməsi üçün addımlar atılacaq”

Yanvarın 23-də Nigeriya sahillərində dəniz quldurları tərəfindən qaçırılan Türkiyə şirkətinə məxsus "Mozart" adlı gəmi hazırda Qabon sahillərindədir.

Reyting.az
xəbər verir ki, bunu NTV telekanalına açıqlamasında Türkiyənin Xarici işlər naziri Mövlud Çavuşoğlu bildirib.

Xarici işlər naziri deyib ki, gəmidə azərbaycanlı mühəndis Fərman İsmayılovun nəşi var: “Gəmi limana çatdıqdan sonra nəşin Azərbaycana göndərilməsi üçün lazımi addımlar atılacaq”.

M. Çavuşoğlu dəniz quldurlarının girov götürdüyü 15 nəfərin azad edilməsi üçün bütün addımların atılacağını söyləyib: “Vətəndaşlarımızı qaçıran dəniz quldurları hələ əlaqə saxlamayıb, tələblərini bildirməyiblər”.

Xatırladaq ki, yanvarın 23-də Türkiyə şirkətinə məxsus "Mozart" adlı gəmiyə Nigeriya sahillərində dəniz quldurları tərəfindən hücum edilib.

Gəmidə olan 19 nəfərdən 15-i girov götürülüb, 1 nəfər isə öldürülüb. Öldürülən şəxs azərbaycanlı mühəndis Fərman İsmayılovdur.(APA)




Bölməyə aid digər xəbərlər
bütün xəbərlər
{sape_links}{sape_article}