Yunanıstanı Türkiyəyə qarşı silahlandırırlar: 18 ədəd qırıcı və hərbi gəmi Türkiyə sərhədlərinə yaxınlaşacaq
Tarix: 26-01-2021 14:18 | Bölmə: Slayd
Yunanıstanı Türkiyəyə qarşı silahlandırırlar: 18 ədəd qırıcı və hərbi gəmi Türkiyə sərhədlərinə yaxınlaşacaq

Yunanıstan Fransadan 2,3 milyard avro qarşılığında 18 ədəd “Rafale” qırıcı təyyarəsinin alınması ilə bağlı razılaşma imzalayıb. Rəsmi Afina “Rafale” qırıcısı alan ilk ölkə olduğu bir vaxtda, Fransanın Müdafiə naziri Florensa Parly bildirib ki, Fransa hərbi gəmisi “Çarles de Gualle” fevral ayında Yunanıstan hərbi gəmilərinin müşayiəti ilə Şərqi Aralıq dənizinə gələcək.

Reyting.az
xəbər verir ki, Müdafiə naziri Parly müzakirələr üçün gəldiyi Afinada Yunanıstan Müdafiə naziri Nikos Panyiotopulosla görüşüb.

Görüşdə Yunanıstanın Fransadan alacağı 18 ədəd “Rafale” qırıcılarına dair anlaşma imzalanıb.



N. Panyiotopulos “Rafale” hərbi təyyarələrin alınması ilə Yunanıstan hava qüvvələrinin əhəmiyyətli şəkildə gücləndiriləcəyini bildirib. Əlavə edib ki, bu, Yunanıstana imkan verəcək ki, ölkənin ərazi bütövlüyü və süverenliyini müdafiə edən hava qüvvələrinin qabiliyyətini artırsın:

“Qarmaqarışıq və böyük bir silah proqramı ilə bağlı müzakirələr ilk dəfə bu qədər sürətli şəkildə baş verdi”.

Fransanın Müdafiə naziri isə Yunanıstanın Avropada bu qırıcıları alan ilk ölkə olduğunu deyib. Fransalı nazir bilirib ki, Paris və Afina bir sıra məsələlərdə eyni mövqedən çıxış edirlər. Yunanıstan dəniz qüvvələrinin yenilənməsində Fransa hərbi gəmilərinin də yer alacağına ümid edən nazir, çox yaxın dövrdə bu mövzu ilə bağlı Afinaya təkliflər təqdim edəcəklərini bildirib.

Nazir Parly aprel ayında Yunanıstanla birlikdə keçirəcəkləri hərbi təlimlərdə 8 ədəd “Rafale” qırıcısının iştirak edəcəyini də diqqətə çatdırıb. Əlavə edib ki, “Çarles de Gualle” gəmisi fevralın sonunda Şərqi Aralıq dənizinə gələcək.

Afinaya səfər edən fransalı nazir daha sonra Kiryakos Miotski ilə müzakirələr aparıb.



Qeyd edək ki, Yunanıstan parlamenti Fransadan 18 ədəd qırıcı almağı nəzərdə tutan qanun layihəsini 2020-ci ilin 14 yanvarında qəbul edib. Afina 6 yeni - 12-si isə işlənmiş olan “Rafale” qırıcıları üçün Fransaya 2,3 milayrd avro ödəyəcək. Bu silahların Yunanıstana təslimatı 2023-cü ildə başa çatdırılacaq.

Türkiyə ilə Şərqi Aralıq və Egey dənizlərində gərginliyə gedən Yunanıstan 2021-ci il üçün dövlət büdcəsində silahlanmaya ayırdığı maliyyəni 5 qat artırıb. Müdafiə sahəsinə 2021-ci il üçün 5,49 milyard avro ayıran Yunanıstan silahlanmaya 2,5 milyard dollar xərcləyəcək. Bu, son 11 ilin ən yüksək xərci sayıla bilər. Bu, həm də yunan iqtisadiyyatının 10 faiz civarında daralmağı ilə paralel müşahidə olunur.

10 il bundan əvvəl ciddi iqtisadi böhranla üzləşən, hətta Avropa Birliyindən maliyyə dəstəyi istəyən Yunanıstanın silahlanmaya bu qədər əhəmiyyət verməsinin bir səbəbi də Türkiyə faktorudur. Sirr deyil ki, Afina Aralıq və Egey dənizlərində ərazi-məhəlli sularını 6 mildən 12 milə qədər artırmaq, başqa sözlə, Türkiyənin ərazilərinə girmək niyyətini gizlətmir. Belə bir addım isə Türkiyə baxımından müharibəyə əsas sayılır. Əlbəttə, hazırda Yunanıstan ordusu və hərbi-sənaye kompleksi Türkiyədən çox zəifdir, amma Afina buna rəğmən niyyətlərini gizlətmir.

Yeri gəlmişkən onu da qeyd edək ki, İstanbulda Yunanıstan və Türkiyə arasında 5 ildən sonra dialoq başlayıb. Bu görüşdən əvvəl Türk Hava Qüvvələrinə məxsus “F-16” qırıcıları Aralıq dənizi üzərində hiss ediləcək uçuşlar həyata keçirib.



Reyting.az




Bölməyə aid digər xəbərlər
{sape_links}{sape_article}