18:05 / 21-04-2021
Rusiya ABŞ-a nota verib
Azərbaycan Laçın dəhlizi üçün müharibəyə başlaya bilər - Professor
Tarix: 02-03-2021 09:22 | Bölmə: Slayd
Azərbaycan Laçın dəhlizi üçün müharibəyə başlaya bilər

“Ermənistanın müharibə aparmaq gücü yoxdur. Azərbaycanın Silahlı Qüvvələri 44 gün ərzində Ermənistan ordusunun arsenalındakı hərbi texnikanın az qala 85 faizini məhv edib. Üstəlik, Ermənistan ordusunda ciddi ruh düşgünlüyü yaranıb. Fərarilik, müxtəlif hərbi birliklər arasında əlaqələrin pozulması halları var. Belə bir ordu hansı əsaslarla müharibəyə başlamaq haqqında düşünə bilər? Hələ onu demirəm ki, hazırda erməni ordusu daxili siyasi proseslərə cəlb edilib”.

Bu fikirləri Reyting.az-a professor Qabil Hüseynli Ermənistanda gərginləşən hərbi-siyasi vəziyyət fonunda bu ölkənin Azərbaycana qarşı yeni müharibəyə başlayacağı ilə bağlı iddiaları şərh edərkən bildirib.


Q.Hüseynli

Politoloqun fikrincə, Ermənistan ordusunun səfərbər olaraq müharibə aparmaq imkanı yoxdur: “Doğrudur, Rusiya onlara deyir ki, biz sizə kömək edəcəyik, ordunu yenidən quracağıq, silahla təchiz edəcəyik və s. Yəni belə vədlər verilib. Azərbaycan Respublikasının Prezidenti də buna qəti cavab verdi. Bütün bunlara baxmayaraq erməni tərəfinin müharibə başlayacağını hətta ehtimal etmirəm”.

Q. Hüseynli hesab edir ki, müharibəni indiki halda Azərbaycan tərəfinin başlamaq ehtimalı daha realdır: “Bu, Laçın dəhlizində Azərbaycanın sərhəd qoşunlarının və gömrük nəzarət postlarının qurulması naminə ola bilər. İndi Ermənistan hərbçiləri Dağlıq Qarabağa göndərilirlər, sülhməramlı qüvvələr isə buna göz yumur. Azərbaycan günün birində hərəkət edə bilər. Amma bunu etmək üçün məsələ müttəfiqlərlə razılaşdırılmalıdır. Bunun üçün həm də şərait yetişməlidir. Bu zaman meydanda Türkiyə ilə yanaşı Pakistanın da ola biləcəyini güman edirəm. Sözsüz ki, Azərbaycan Ordusu təkbaşına istənilən əməliyyatı həyata keçirə bilər. Amma bu dəfə ermənilərə və onların himayədarlarına möhkəm qulaqburması vermək üçün bizim yaxın strateji tərəfdarlarımızla ortaq əməliyyat haqqında düşünmək mümkündür”.

Q. Hüseynli bildirib ki, Azərbaycanla müharibə aparmaq üçün Ermənistanın heç bir resursu yoxdur: “Azərbaycan Ordusu artıq İsrail, Türkiyə, Pakistan və İtaliyaya 5-ci nəsil silah sifarişləri verib. Dövlət başçısı da qeyd etdi ki, Azərbaycan Ordusunu Türkiyə Silahlı Qüvvələrinin kiçik formasında yenidən qurmaq istəyir. Yəni peşakar ordu quruculuğuna gedəcək. Bunun qarşısında erməni neyləyə bilər?”.

Reyting.az




Bölməyə aid digər xəbərlər
bütün xəbərlər
{sape_links}{sape_article}