“Müharibə və Ermənistan üçün yeni məğlubiyyətlər qaçılmazdır” - Andranik Tevanyan
Tarix: 08-03-2021 15:08 | Bölmə: Slayd
“Müharibə və Ermənistan üçün yeni məğlubiyyətlər qaçılmazdır”

“Nikol Paşinyan Baş nazir postunda qalarsa, müharibə və yeni məğlubiyyətlər qaçılmaz olacaqdır. Azərbaycan liderinin Zəngəzur və Türkiyə-Azərbaycan hərbi təlimləri ilə bağlı açıqlaması müharibədən əvvəlki Türkiyə-Azərbaycan hərbi təlimlərini xatırladır”.

Reyting.az
xəbər verir ki, Azərbaycan qarşısında belə qorxaq mövqe ilə “Siyasi İqtisadiyyat” İnstitutunun rəhbəri Andranik Tevanyan çıxış edib.

A. Tevanyanın iddiasına görə, Zəngəzur dəhlizinin açılması üçün Azərbaycan tərəfi N. Paşinyana qarşı əlində olan əsirlərdən istifadə edir.


A. Tevanyan

Tevanyan Ermənistanın sabiq prezidenti, hərbi cinayətkar Robert Köçəryanın müharibə haqqında sonuncu fikirlərini nədənsə “unudaraq” iddia edib ki, Türkiyə 10 noyabr və 11 razılaşmasının uğursuz olması üçün müharibənin başlanmasına “tərəfdardır”.

Öz ölkəsinin hökumətini tənqid edən A. Tevanyan qeyd edib ki, yanvarın 11-də N. Paşinyan Moskvada Azərbaycanın maraqlarını müdafiə etməli olub, hətta əsir problemini həll edə bilməyib: “Nikol Sünik (Zəngəzur) dəhlizi müqabilində məhbusların qaytarılması” düsturuna görə mübarizə və danışıqlar aparmaq istəyir, amma çox gecdir. Razılaşdığı Sünuk dəhlizini Nikol Paşinyandan tələb edirlər. Paşinyan da bunun müqabilində əsirləri geri almaq istəyir ki, erməni xalqına satmağa bir şeyi olsun”.

İnstitut rəhbəri əlavə edib ki, danışıqlar prosesində yeni şəxslər iştirak etməsə, Ermənistan nə əsirləri ala biləcək, nə də onun maraqlarını qoruyan olacaq: “Nikol Paşinyan Baş nazir olaraq qalacaqsa, müharibə və yeni məğlubiyyət qaçılmazdır. Ancaq bu dəfə döyüş əməliyyatlarının arenası Ermənistan olacaq”.

Tevanyanın fikrincə, Paşinyanın vəzifədən getməsi müharibədən qaçmaq və Qarabağdakı nəticələrin təkrarlanmaması üçün əsas şərtdir.

Reyting.az




Bölməyə aid digər xəbərlər
bütün xəbərlər
{sape_links}{sape_article}