18:05 / 21-04-2021
Rusiya ABŞ-a nota verib
Gərgin görüş başlayıb: İranla nüvə sazişi müzakirə edilir, ABŞ müqaviləyə qayıdır
Tarix: 07-04-2021 11:14 | Bölmə: Siyasət
Gərgin görüş başlayıb: İranla nüvə sazişi müzakirə edilir, ABŞ müqaviləyə qayıdır

Uzun illərdən sonra Avstriya paytaxtı Vyanada İranla nüvə razılaşmasına dair ilk görüş keçirlir.

Reyting.az
xəbər verir ki, görüşə Avropa Birliyinin (AB) Xarici əlaqələr və təhlükəsizlik siyasəti üzrə ali nümayəndəsi adına qurumun Xarici əlaqələr xidmətinin baş katibinin müavini və siyasi direktoru Enrique Mora rəhbərlik edir.

Görüşdə nüvə sazişində imzası olan ölkələrin diplomatları da iştirak edir.

Hərtərəfli Birgə Fəaliyyət Planı (KOEP) adlandırılan nüvə sazişinin gedişatı və 2018-ci ilin mayında birtərəfli qaydada sazişdən çıxan ABŞ-ın müqaviləyə qayıtmasının müzakirə edildiyi toplantıda Almaniya, İngiltərə, Çin, Rusiya, Fransa və İranın yüksək vəzifəli rəsmiləri müzakirə aparırlar.



Tədbirin aparıcısı olan E. Mora bəyan edib ki, əsas hədəf razılaşmanın bütün tərəflərini tam və təsirli şəkildə razı salmaqdır:

“Toplantıda 2015-ci ildə imzalanan razılaşmanın tam gücü ilə tətbiq edilməsi və sanksiyaların qaldırılması kimi mövzularla yanaşı ABŞ-ın KOEP-ə qayıtması mərhələsinə dair qiymətləndirmə ələ alınacaq”.

ABŞ rəsmiləri ölkənin razılaşmadan çıxması səbəbindən Hərtərəfli Birgə Fəaliyyət Planı ilə bağlı bəlli mərhələlərdə keçirilən ortaq komissiya iclaslarına qatılmırdı. Vaşinqton heyəti iki ildən çox müddətdən sonra ilk dəfə İran xaricində razılaşmanın tərəfi olan ölkələrlə geridönüş mövzusunda fikir alış-verişi həyata keçirəcək.

Məlumat üçün xatırladaq ki, Barak Obamanın hakimiyyətdə olduğu zaman İranla 5+1 formatında nüvə razılaşması əldə edilsə də, Donald Tramp prezident seçildikdən qısa müddət sonra ABŞ bu razılaşmanı tərk etmişdi.

Analitiklər hesab edirlər ki, hazırda ABŞ və İran arasında birbaşa təmas olmasa da, vasitəçilər formatında müzakirələr aparılır. ABŞ-ın müqaviləyə qayıtması və İranla gərgin münasibətləri yoluna qoyması Tehranın Rusiyanı dəstəkləməsi məsələsində öz mövqeyinə yenidən baxmasına səbəb ola bilər. Bu isə Vaşinqton administrasiyasına hava və su kimi lazımdır.

Reyting.az




Bölməyə aid digər xəbərlər
bütün xəbərlər
{sape_links}{sape_article}