Daha 16 general birgə bəyanat yayıb: “Avropa və Fransaya qarşı hibrid müharibəsi başladılıb”
Tarix: 03-05-2021 13:53 | Bölmə: Slayd
Daha 16 general birgə bəyanat yayıb: “Avropa və Fransaya qarşı hibrid müharibəsi başladılıb”

Fransada təqaüddə olan 16 general parlamentə “İslamçılığa qarşı Fransanın parçalanması və vətəndaş müharibəsi” xəbərdarlığına dair müraciət göndərib.

Reyting.az
Fransada nəşr edilən “Le Journal du Dimanche” dərgisinə istinadla bildirir ki, müraciəti imzalayan generallardan birinin fikrincə, bu sənəd aşırı millətçi “Valeurs Aktuelles” dərgisinin internet saytında yayımlanan və təqaüdçü generalların Fransa prezidenti Emmanuel Makrona daxili vətəndaş müharibəsi təhlükəsinə dair etdiyi xəbərdarlığın məntiqi davamıdır.

Son müraciətə imza atan generallardan yalnız ikisi “Valeurs Aktuelles” saytında prezidentə edilən xəbərdarlıq-müraciəti imzalayanların siyahısında olub.

16 general parlamentin siyasi qruplarına aprelin 14-də göndərdiyi 21 səhifəlik hesabatda “İslamçılığa və Fransanın parçalanmasına qarşı qlobal strategiya” hazırlamağın vacibliyini yazıblar.

Daxili vətəndaş müharibəsinə dair xəbərdarlıq isə xüsusi diqqət çəkib.

“Bizə qarşı hibrid müharibə elan olundu. Bu müharibə çoxşaxəlidir. Bu, ən yaxşı halda ehtimal olunan vətəndaş müharibəsi, ən pis halda isə gələcəyi olmayan məğlubiyyətlə başa çatacaq. Avropa və Fransaya qarşı hibrid müharibəsi başladıldı. Bu müharibəni qazanmaq üçün psixoloji, sosioloji, mənəvi, təhsil və cinayət silahları yaradılmalıdır”,- 16 generalın Fransa parlamentinə göndərdiyi sənəddə qeyd edilib.

Məlumat üçün xatırladaq ki, aprelin 21-də təqaüddə olan 20 general və bir neçə yüksək çinli zabitin Fransa mediasında çıxan açıq məktubunda ölkədə böyüyən xaos olduğunu bildirərək prezident E. Makrona bu xaosu dayandıra bilməyəcəyi təqdirdə ölkədə daxili vətəndaş müharibəsinin başlayacağına dair xəbərdarlıq ediblər.

İslamın və şəhər ətrafında yaşayan sakinlərin Fransada ictimai parçalanmaya səbəb olduğu iddia edilən məktubda hərbçilər bu təhlükənin aradan qaldırılmasının vacibliyindən yazıblar.

Reyting.az




Bölməyə aid digər xəbərlər
bütün xəbərlər
{sape_links}{sape_article}