08:23 / 21-10-2021
Azad Zəngilan - Fotolar
Türklərin Fransaya məxsus gəmini qovması gərginliyi artırıb: dörd ölkə Türkiyəyə qarşı birləşib
Tarix: 25-09-2021 16:02 | Bölmə: Slayd
Türklərin Fransaya məxsus gəmini qovması gərginliyi artırıb: dörd ölkə Türkiyəyə qarşı birləşib

Fransa Yunanıstanı Türkiyəyə qarşı dəstəkləməsi ilə bağlı mesajını rəsmi Afinaya çatdırıb. Afinanı Türkiyə ilə mübarizədə dəstəkləyən isə təkcə Fransa deyil, İsrail və Misir də bu sırada yer alır.

Reyting.az
xəbər verir ki, İsrail və Cənubi Kiprlə kirayələdiyi seysmik tədqiqat gəmisini Türkiyəyə aid dəniz sularına göndərən və Yunanıstanı bu işə təşviq edən ölkə hazırda yunan mediasının manşetindən düşmür.

Yunanıstanın “Kathimerni” qəzeti xəbər verir ki, Fransa Türkiyənin "Oruc Rəis" gəmisi tərəfindən Aralıq dənizindən qovulan "Nautikal Geo" tədqiqat gəmisinin fəaliyyətini dəstəkləyir.



Qəzet yazır ki, Paris 24 saat ərzində Afinaya dəstək mesajı göndərib və Krit adasının şərqindəki kəşfiyyat-axtarış fəaliyyətinə dəstək verdiyini bildirib.

İsrail və Misir də Yunanıstana dəstək mesajı göndərib. Misirin Xarici işlər naziri Semih Şükrü dəstək mesajını yunan həmkarı Mikols Dendiasa şəxsən çatdırıb.

Qəzet qeyd edir ki, yanacaq doldurmaq məqsədilə cümə günü Kritə dönən tədqiqat gəmisi "Nautikal Geo" olduğu yerdə yunan donanmasına aid gəmilər tərəfindən qorunur.

Şərqi Aralıq dənizində Yunanıstanla bir neçə dəfə hərbi təlimlər keçirən Fransa ötən il Türkiyəyə “gözdağı vermək” niyyəti ilə "Çarles Gaulle" təyarədaşıyan gəmisini də bölgəyə göndərmişdi. Üstəlik, yunanlara 18 ədəd “Rafael” model qırıcıları satmışdı.

Məlumat üçün bildirək ki, BMT Baş Assambleyasının 76-cı sessiyasında çıxış edən Yunanıstan Baş naziri Kiryakos Miçotakis ötən il Türkiyə ilə yaşanan gərginliyin təkrarlanmasını istəmədiklərini deyib. Rəsmi Ankara ilə dialoq kanallarını açıq saxladıqlarını bildirən Baş nazir əlavə edib ki, əməkdaşlıq üçün heç bir cəhddən qaçmayacaqlar.

Qeyd edək ki, Türkiyənin "Oruc Rəis" gəmisinin "Nautikal Gep"in fəaliyyətini məcburi dayandırdıqdan sonra Türkiyədən Avropa Birliyinə (AB) şikayət edən Yunanıstan, Nyu-Yorkda baş tutan fövqəladə görüş zamanı AB-nin nazirlərinə xəritə təqdim edib. Yunan nazir türk hərbi gəmisi "Oruc Rəis"in Krit adasından cəmi 10 mil (16 kilometr) uzaqlıqda olduğunu bildirib.



Ötən həftə Yunanıstanın elan etdiyi NAVTEX-ə anında reaksiya verən Ankara Krit adasının şərqindəki tədqiqat-axtarış gəmisini "Oruc Rəis" savaş gəmisi ilə dayandırmışdı. Malta bayrağı ilə işləyən "Nautikal Gep" gəmisinin dərhal bölgədən ayrılmasını tələb edən Türkiyə gəmisi əks təqdirdə müdaxilə olunacağını bildirmişdi. Fransaya məxsus "Nautikal Gep" gəmisi bölgədən ayrılaraq Kritin şərqindəki Kandiyedə limana çəkilmişdi. Afinanın "Nautikal Gep" gəmisi üçün elan etdiyi NAVTEX-in müddəti sabah başa çatır.

Onu da qeyd edək ki, Nautikal Gep gəmisinin olduğu ərazi Liviya ilə dəniz anlaşmasına görə Türkiyə məhəlli sularına aiddir. Afina isə Qahirə ilə əldə etdiyi razılaşmanı əsas gətirərək bu ərazidə tədqiqat işləri aparmaq hüququ olduğunu iddia edir.

Reyting.az




Bölməyə aid digər xəbərlər
{sape_links}{sape_article}