08:23 / 21-10-2021
Azad Zəngilan - Fotolar
Qarabağla bağlı güzəşt növbəsi Putinə çatıb - Politoloq
Tarix: 26-09-2021 14:17 | Bölmə: Slayd
Qarabağla bağlı güzəşt növbəsi Putinə çatıb

"Rusiya prezidenti Vladimir Putin ölkəsini “dəmir əl” ilə idarə edir. Misal üçün, Krım məhz Putinin istəyi və əmri əsasında Ukraynadan qopardıldı, Rusiyanın başqa rəsmisi ona demədi ki, bunu etmək olmaz, qardaş dövlətlə, o cümlədən Qərblə üz-üzə qalacağıq. Putin dedi, əmr yerinə yetirildi. Eyni sözləri Qarabağa da şamil etmək olar".

Reyting.az
xəbər verir ki, bunu politoloq Elxan Şahinoğlu deyib. O bildirib ki, V. Putin müharibə günlərində Azərbaycan Respublikasının Prezidenti ilə Ermənistanın Baş naziri arasında vasitəçi olmasaydı, Azərbaycan Ordusu Şuşadan sonra Xankəndi şəhərini işğaldan azad edəcəkdi: "Digər istiqamətlərdəki terrorçu erməni separatçıları mühasirəyə alınaraq məhv ediləcəkdi və bununla 200 illik problemdən birdəfəlik qurtulacaqdıq. Güzəştə getdik. İndi güzəşt növbəsi Vladimir Putinindir.

Birincisi, Rusiya prezidenti Laçın dəhlizində Azərbaycan sərhədçilərinin və gömrük xidmətinin yerləşməsinə razılaşır, ikincisi, Qarabağdakı erməni separatçılarının tərki-silah olunmasını təmin edir, üçüncüsü, 4 ildən sonra rusiyalı hərbçilərin bölgəni tərk etməsinə və Xankəndi üzərində Azərbaycan bayrağının dalğalanmasına, qanunlarımızın bu bölgədə də təminatına əngəl olmur. Bu, bizim üçün ən optimal variant olardı. Ancaq bu, Rusiyanın ənənəvi siyasətinə və Putinin xarakterinə ziddir".

Politoloq qeyd edib ki, buna baxmayaraq, Azərbaycan Türkiyə ilə birgə Putini reallıqları qəbul etmək məcburiyyətində qoya bilər:

"Türkiyə prezidenti Rəcəb Tayyib Ərdoğan bir neçə gündən sonra Soçidə Vladimir Putinlə görüşəcək. Mövzular çoxdur, Qarabağla bağlı da fikir mübadiləsi olacaq. Faktiki Ermənistanla Türkiyə arasında hələlik aşağı səviyyədə dialoq başlayıb, müharibədən sonra ilk dəfə Azərbaycan və Ermənistan Xarici işlər nazirləri də görüşüblər. Rusiyadakı siyasi və hərbi mərkəzlər İrəvanı təxrirbatçı mövqeyində dayanmağa sövq etməsələr, regional barış üçün fürsətlər yarana bilər. Putini inandırmaq lazımdır ki, Azərbaycanla Ermənistan arasında sülh sazişinin imzalanması, sərhədlərin müəyyənləşməsi, Zəngəzur dəhlizinin açılması, o cümlədən Ermənistanın Türkiyə ilə münasibətlərinin normallaşması Rusiyanın maraqları əleyhinə deyil. 2008-ci ildə Cənubi Osetiyanı və Abxaziyanı Gürcüstandan, 2014-cü ildə Krımı və Donbassın bir hissəsini Ukraynadan qoparan Putin Azərbaycanın timsalında fərqli addım atsa qazanar. O, sadəcə, bu qərarı verməyə daxilən hazır olmalıdır".

Reyting.az




Bölməyə aid digər xəbərlər
{sape_links}{sape_article}