12:10 / 25-06-2022
Sabah yağışlı hava olacaq
İstanbulda casus döyüşləri: kəşfiyyat təhlükəli şəbəkəni çökdürüb, sui-qəsdlərin qarşısı alınıb
Tarix: 22-06-2022 17:10 | Bölmə: Slayd
İstanbulda casus döyüşləri: kəşfiyyat təhlükəli şəbəkəni çökdürüb, sui-qəsdlərin qarşısı alınıb

Türkiyə Milli Kəşfiyyat Təşkilatı (MİT) və İstanbul polisi filmlərə ssenari ola biləcək növbəti əməliyyat keçirib. İstanbulda israilli turistlərə hücum etməyi planlaşdırdığı iddia edilən iranlı casus dəstəsinin üzvləri yaxalanıb.

Reyting.az
xatırladır ki, son bir ayda İranda çox önəmli isimlər, əsasən də hərbi sahədə tanınmış bir neçə şəxs qətlə yetirilib. İran bu terror aktlarına görə İsraili ittiham edir və qisas almaq məqsədi ilə İstanbulda israillilərə sui-qəsd planı hazırlanıb. Bunun qarşısına isə MİT və İstanbul polisi keçib. Nəticədə İstanbulda bir qrup israilli turistə hücum etməyə hazırlaşan iranlı sui-qəsdçi dəstə darmadağın edilib.

Kəşfiyyat üzrə mütəxəssis Nihat Uludağ bildirib ki, İranda bir sıra sui-qəsd olub. İran İnqilab Keşikçiləri Korpusunun zabitləri öldürülüb. “Bunun ardınca İran İnqilabı Keşikçiləri Korpusunun 840-cı bölməsinin ən yüksək vəzifəli şəxslərindən olan polkovnik Həsən Seyyah evinin qarşısında qətlə yetirilib. Bunun Türkiyədəki hadisələrə böyük təsiri olub”.

N. Uludağ deyib ki, İran üçün bir çox kritik fiqur müəmmalı şəkildə həyatını itirib: “Belə önəmli şəxslərin itirilməsi İran kəşfiyyatı üçün zəiflik hesab olunurdu. Bu səbəbdən də İran belə bir addım atmaq qərarı verib. Belə anlaşılır ki, Tehranla başlayan casus savaşı İstanbula doğru irəliləməyə başlayıb”.

Mütəxəssis əlavə edib ki, ötən həftə Beyoğluda gəzən bir qrup israilli turist, otellərinə girməyə hazırlaşarkən, MOSSAD agentləri tərəfindən avtomobilə mindirilərək ölkələrinə göndərilib. İddialara görə, israilli turistləri oteldə iranlı casuslar gözləyirmiş və onlara sui-qəsd planı reallaşmaq üzrə olub. Amma iranlıların sui-qəsd planı baş tutmayıb, MİT və İstanbul polisi casus şəbəkəsini məhv edib.

N. Uludağ diqqətə çatdırıb ki, Türk kəşfiyyatı bir neçə iranlı casusu saxlayıb və hazırda onlar dindirilirlər. Casusların həbsi əlavə 4 sutka müddətində uzadılıb. “Yan casusların bağlantılatrının ifşa olunması da nəzərdə tutulur. Nəticə haqqında aydın şəkildə onu deyə bilərik ki, təhlükəsizlik orqanları Türkiyədə casus müharibəsinə imkan vermir”,- deyə N. Uludağ əlavə edib.





Bölməyə aid digər xəbərlər
{sape_links}{sape_article}