Laçın yolunda gömrük postu: ermənilərlə yanaşı rus sülhməramlıları da yoxlanılmalıdır
Tarix: 22-03-2023 11:56 | Bölmə: Slayd
Laçın yolunda gömrük postu: ermənilərlə yanaşı rus sülhməramlıları da yoxlanılmalıdır

Rusiya sülhməramlı kontingentinin müşayiəti ilə ermənilərin Qarabağa hərbi təyinatlı yüklər daşıması üçtərəfli bəyanatın müddəaları kobud şəkildə pozur və bu, qəbuledilməzdir.

Bunu Reyting.az-a politoloq Elxan Şahinoğlu deyib.

E. Şahinoğlu xatırladıb ki, Azərbaycan Müdafiə Nazirliyinin bununla bağlı müvafiq bəyanatı var.

Onun sözlərinə görə, bəyanatda Laçın yolunun “Azərbaycan-Ermənistan sərhədinin son nöqtəsində Azərbaycanın sərhəd-keçid və nəzarət məntəqəsinin qurulmasının labüdlüyü” cümləsi işlənib. Amma Rusiya Müdafiə Nazirliyi hələlik səsini çıxarmır, məsələyə münasibət bildirmir, təsdiq və ya təkzib etmir. Yəqin səsləri Laçın yolunda nəzarət-buraxılış məntəqəsi yaradılanda eşidiləcək, amma onda gec olacaq.

Politoloq bildirib ki, nə Rusiyanın xarici işlər naziri Sergey Lavrovun Bakıya və İrəvana səfərləri, o cümlədən azərbaycanlı və erməni həmkarlarıyla mütəmadi görüşləri, nə də ABŞ dövlət katibi Entoni Blinkenin Bakıya və İrəvana tez-tez etdiyi telefon zəngləri sülh prosesini sürətləndirir: "Prezident İlham Əliyev Entoni Blinkenlə telefon danışığında Azərbaycanın Laçın yolunun Ermənistanla sərhədinin son nöqtəsində sərhəd-keçid məntəqəsinin yaradılmasının labüdlüyünü bir daha onun diqqətinə çatdırıb. Lavrov bundan xəbərdardır”.

E. Şahinoğlu əlavə edib ki, Ermənistan hakimiyyəti ilə Qarabağ separatçıları da Laçın yolunda sərhəd-keçid məntəqəsinin yaradılacağını anlayıblar. “Bir sözlə, hamı bu və ya digər şəkildə Laçın yolunda sərhəd-keçid məntəqəsinin qurulacağına hazırdır. Sərhəd-keçid məntəqəsi bütün nəqliyyat vasitələrinin, o cümlədən Rusiya hərbi kontingentinə aid olanların da yoxlanılmasını diqtə edəcək".

E. KAMAL
Reyting.az




Bölməyə aid digər xəbərlər
{sape_links}{sape_article}