Ukrayna qüvvələri yaşayış məntəqəsini azad edib
Tarix: 15-09-2023 13:29 | Bölmə: Xəbərlər
Ukrayna qüvvələri yaşayış məntəqəsini azad edib

Ukrayna əsgərləri Donetsk vilayətinin Andreevka kəndini azad ediblər.

Reyting.az
-ın xəbərinə görə, Ukrayna Silahlı Qüvvələrinin Baş Qərargahı bildirib ki, koordinasiyalı hücum əməliyyatları nəticəsində Andreevka geri alınıb.

“Hücum əməliyyatları zamanı düşmən canlı qüvvə və texnika baxımdan ciddi itki verib, hazırda müdafiə qüvvələri əldə olunan yeni xətlərdə möhkəmlənirlər”, - Baş Qərargahın hesabatında deyilir.

Eyni zamanda, Baxmut istiqamətində Rusiya qüvvələri Boqdanovka ərazisində Ukrayna Silahlı Qüvvələrinin müdafiəsini yarmaq cəhdlərindən əl çəkmir. Öz növbəsində, Ukraynanın müdafiə qüvvələri Kleşevka bölgəsində hücum əməliyyatları zamanı qismən uğur qazanıb.



Üçüncü Hücum Briqadası Andreevkanın azad olunduğunu rəsmən elan edib:

“Rusiya Federasiyasının 72-ci motoatıcı briqadası tamamilə məğlub edilib! İldırım sürəti ilə həyata keçirilən əməliyyat nəticəsində Rusiyanın Andreevka qarnizonu mühasirəyə alınıb, əsas qüvvələrlə əlaqəsi kəsilib və məhv ediliblər”.

Məlumata görə, iki gün ərzində düşmən briqadası kəşfiyyatının rəisi, üç batalyon komandiri və 72-ci briqadanın demək olar ki, bütün piyadaları, zabitlər və xeyli miqdarda texnika ilə birlikdə məhv ediliblər.

Yeri gəlmişkən, qeyd edək ki, Andreevkanın azad edilməsi və saxlanması Baxmutdan sağ cinahda irəliləyişin yolu və bütün sonrakı hücumun uğurunun açarı sayılır.

Xatırladaq ki, dünən Ukrayna müdafiə nazirinin müavini Anna Malyar bildirib ki, Ukrayna Silahlı Qüvvələri Andreevka, Kurdyumovka və Kleşçievka ərazilərində ölüm-qalım savaşı aparır: “Və orada yaxşı xəbərimiz var. Andreevka bizimdir. Biz mövqelərimizi möhkəmləndiririk”.

E. KAMAL




Bölməyə aid digər xəbərlər
21-06-2024, 07:44 KTMT Almatıda toplanır

{sape_links}{sape_article}