Azərbaycanlı dünya çempionuna hökm oxundu
Tarix: 04-06-2019 19:10 | Bölmə: Cəmiyyət
Azərbaycanlı dünya çempionuna hökm oxundu

Komi Ali məhkəməsi “qanuni oğru” Yuri Piçuqin cinayətkar qrupunun üzvlərindən birinə cəzasını ciddi rejimli həbsxanada çəkməklə 11 azadlıqdan məhrum edib.

Reyting.az-ın Rusiya mətbuatına istinadən verdiyi xəbərə görə, qruplaşmanın tərkibində bir sıra ağır cinayət törətməkdə günahkar bilinən universal karate üzrə ikiqat dünya çempionu 41 yaşlı Oktay Əfəndiyevdir.

Müəyyən edilib ki, Əfəndiyev Piçuqinin cinayətkar qrupuna 2004-cü ildə qoşulub. O, silah əldə etməyə cavabdeh olub və dəstənin liderlərinin təhlükəsizliyin təmin edib.

Oktay Əfəndiyev 2010-cu ilin iyun ayında cinayətkar qruplaşmanın digər iştirakçıları ilə dəstənin liderlərinə tələbləri olan qruplaşma üzvünün oğurlanması və öldürülməsini həyata keçirib. Kişini Sıktıvkarın Yuxarı Maksakova qəsəbəsindəki istehsal bazasının ərazisinə aparın bağlayaraq saxlayıblar. Sonra onu meşəyə apararaq öldürüblər. Onun meyiti əvvəlcə yandırılıb, qalıqları sonra meşə ərazisində basdırılıb.

Müstəntiqlər qeyd edirlər ki, Əfəndiyev etirafedici ifadə verdiyinə görə onunla məhkəməyə qədər razılaşma əldə olunub.

Piçuqin cinayətkar qrupu 1994-cü ildə yaradılıb və “qanuni oğru”nun rəhbərliyi altında fəaliyyət göstərib. Lider və qalan iştirakçılar 2018-ci il fevral ayının ortalarında – Moskva, Pyatiqorsk və Sıktıvkarda seriya axtarışlardan sonra saxlanılıb.

Cinayət işi üzrə 21 nəfər keçir. İstintaq ehtimal edir ki, dəstənin hesabında Komidə və Arxangelsk vilayətində törədilən çoxsaylı ağır və xüsusilə cinatət var.

Reyting.az




Bölməyə aid digər xəbərlər
{sape_links}{sape_article}