17:38 / 28-03-2024
Əməkdar artist vəfat edib
İki milyon manatı mənimsəməkdə təqsirləndirilən sabiq rəis özünü təqsirli bilmir - Məhkəmə
Tarix: 11-12-2019 17:42 | Bölmə: Cəmiyyət
İki milyon manatı mənimsəməkdə təqsirləndirilən sabiq rəis özünü təqsirli bilmir

Bakı Ağır Cinayətlər Məhkəməsində külli miqdarda mənimsəmədə ittiham olunan “Bakı Lift-2” İstehsalat Birliyinin (İB) sabiq rəisi Ruslan Dilanovun cinayət işi üzrə məhkəmə prosesi başlayıb.

Reyting.az
APA-ya istinadla xəbər verir ki, hakim Ramella Allahverdiyevanın sədrliyi ilə keçirilən prosesdə məhkəmə istintaqı açıq elan olunub.

Prosesdə prokuror ittiham aktını elan edib.

İttihama görə, binalarda 71 ədəd liftin yenidən quraşdırılması və əsaslı təmiri üçün vəsait ayrılıb. Ayrılan vəsaitin təxminən 1 milyon 835 min manatı mənimsənilib. Həmçinin qeyd olunub ki, dövlətin vəsaiti ilə alınan 426 min manatlıq material-avadanlıqlar təyinatı üzrə istifadə olunmayıb, ticarətlə məşğul olan şəxslərə satılıb. Amma saxta sənədlər tərtib edilərək həmin materialların istifadə olunduğu rəsmiləşdirilib.

İki milyon manatı mənimsəməkdə təqsirləndirilən sabiq rəis özünü təqsirli bilmir

R. Dilanov özünü təqsirli bilməyib, indiki mərhələdə ifadə vermək istəməyib.

Məhkəmə prosesi dekabrın 18-ə təyin edilib.

Qeyd edək ki, R. Dilanova qarşı Cinayət Məcəlləsinin 179-cu (mənimsəmə və ya israfetmə), 308-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham irəli sürülüb.

İş üzrə zərərçəkmiş qismində “Bakı Lift-2” İstehsalat Birliyi tanınıb.

Reyting.az




Bölməyə aid digər xəbərlər
{sape_links}{sape_article}