İsmayıllıda istirahət mərkəzlərinin sahiblərinə xəbərdarlıq edilib
Tarix: 09-07-2020 10:49 | Bölmə: Cəmiyyət
İsmayıllıda istirahət mərkəzlərinin sahiblərinə xəbərdarlıq edilib

İsmayıllı Rayon Polis Şöbəsinin (RPŞ) əməkdaşları karantin rejimi qaydalarının təmin olunması məqsədilə rayon ərazisində tədbirləri davam etdirir.

DİN-in Mətbuat Xidmətinin Şəki regional qrupundan Reyting.az-a verilən məlumata görə, polis əməkdaşları rayon ərazisində yerləşən istirahət mərkəzlərinə baş çəkib, həmin obyektlərin sahibləri ilə maarifləndirici söhbətlər aparıblar.

Operativ Qərargahın tələb və tövsiyələrinə istirahət mərkəzlərində də ciddi riayət edilməsinin vacibliyi həmin sahibkarların diqqətinə çatdırılıb.

İnsanların bir yerə toplaşmasının qarşısının alınması, qapalı məkanlarda tibbi maskalardan istifadə edilməsi, eləcə də digər sosial izolyasiya qayddalarının təmin olunmasının zəruriliyi onlara bildirilib.




Bölməyə aid digər xəbərlər
{sape_links}{sape_article}