Vüqar Səfərli ilə bağlı prokurorluğa müraciət edilib
Tarix: 16-01-2021 18:34 | Bölmə: Cəmiyyət
Vüqar Səfərli ilə bağlı prokurorluğa müraciət edilib

Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) keçmiş icraçı direktoru, büdcə vəsaitlərini oğurladığı üçün həbs edilən Vüqar Səfərli ilə bağlı Baş Prokurorluğa müraciət edilib.

Kobramedia.az saytının rəhbəri, tanınmış jurnalist Valeh Mirzə Baş Prokurorluqdan xahiş edir ki, KİVDF-nin sabiq icraçı direktoru Vüqar Səfərlinin cinayət əməllərini ətraflı araşdırmaq üçün yazı müsabiqəsi elan etsin. İronik təsir bağışlayan müraciətdə yazılır ki, KİVDF-nin sabiq rəhbəri ilə bağlı həmin müsabiqəyə təqdim olunacaq yazılarda hüquqşünaslar V. Səfərlinin fəaliyyətinə obyektiv qiymət verə bilərlər. Eyni zamanda ondan müsadirə olunacaq vəsaitlərdən müsabiqə üçün ayrılması xahiş olunur.

Müraciət müəllifi yazır ki, belə bir müsabiqənin elan edilməsi həm söz sahiblərinin sosial durumlarının qismən də olsa yaxşılaşmasına xidmət edər, həm də V. Səfərli tərəfindən hüquqları pozulan çoxsaylı jurnalistlər əllərində olan bütün tutarlı faktları yazıda təqdim etməklə istintaqın daha geniş məlumatlara malik olmasına kömək edə bilərlər.

V. Səfərlinin cinayət əməllərini əhatə edən və müsabiqədə istifadə oluna biləcək mövzuların təqribən bu məzmunlarda olması təklif edililir:

1) Vüqar Səfərli super korrupsioner məmur statusunu necə qazandı?

2) Vüqar Səfərli jurnalistər üçün tikilən yaşayış bunalarında mənzilləri hansı kriteriyalarla payladı?

3) Jurnalistlər üçün tikilən 2-ci yaşayış binasında mənzillərin bölüşdürülməsi prosesi zamanı Azərbaycan Mətbuat Şurasının təqdimatları niyə nəzərə alınmadı?

4) KİVDF-nin elan etdiyi yazı müsabiqələrində 1-ci yerlər kimlərə, hansı mətbu orqanların təmsilçilərinə verilirdi və hansı tələblər müqabilində?

5) KİVDF-nin keçmiş icraçı direktoru V. Səfərlinin təqdimatı ilə hansı bəsit qəzetlərin və saytların təmsilçilərinə fəxri adlar, medallar paylanırdı?

6) Azərbaycan dövlətinə və Azərbaycan jurnalistikasına külli miqdarda maddi və mənəvi zərbə vuran V. Səfərli kimin himayəsi altında haqqa-ədalətə meydan oxuyurdu?

7) V. Səfərliyə veriləcək hansı cəza ədalətli sayıla bilər? Onun məhkəmə prosesinin məhkəmə zalında deyil, “Jurnalist” MMC-nin iclas zalında, jurnalist kollektivlərinin iştirakı ilə keçirilməsi bütün korrupsioner ünsürlərə sanballı sillə ola bilərmi?

Müəllif müraciətində qeyd edib ki, mövzuları kifayət qədər artırmaq da olar, çünki, V. Səfərlinin dələduzluq fəaliyyətinin dərinliyi artezian quyusundan betərdir: “O, təpədən dırnağa qədər “Bataqlıq kralı”dır!”

Reyting.az




Bölməyə aid digər xəbərlər
{sape_links}{sape_article}