Əkizlərin cəsədi əvəzinə kəfəndən kukla çıxıb - Video
Tarix: 11-02-2021 12:38 | Bölmə: Cəmiyyət
Əkizlərin cəsədi əvəzinə kəfəndən kukla çıxıb

Rusiyada doğuş zamanı öldüyü bildirilən əkiz körpələrin dəfni zamanı kəfəndən kukla çıxıb.

Reyting.az
xəbər verir ki, hadisə Rusiyanın Stavropol şəhərindəki xəstəxanaların birində baş verib.

Xəstəxanın doğum şöbəsində gənc xanıma əkiz uşaqlarının ölü doğulduğu bildirilib.

Bundan sonra uşaqların atasına zəng vuraraq ölü doğulan uşaqlarının cəsədini götürməsi istənilib. Xəstəxanaya gələn ata uşaqlarının cəsədini təhvil alıb. Ailə ölü doğulduqları deyilən körpələri Rusiyanın Dağıstan Muxtar Respublikasının Babayurd məntəqəsinin Tamazatube kəndində dəfn etmək istəyib. Kəfənləri açaraq övladlarını məzara qoymaq istəyən ata əkizlərin meyiti əvəzinə 2 ədəd kukla görüb.

Hadisədən şok keçirən ata dərhal vəziyyəti polisə bildirib. Uşaqlarının sağ olduğunu ehtimal edən ata polisdən onların dərhal tapılmasını, xəstəxanadan uşaqlarının oğurlana biləcəyini deyib. Bundan sonra Dağıstan Daxili İşlər Nazirliyi araşdırmaya başlayıb.

Hazırda araşdırma davam edir.





Bölməyə aid digər xəbərlər
5-07-2025, 14:30 Sabah yağış yağacaq