Rusiya şirkətləri Qarabağda "ağıllı şəhər" tikmək istəyir
Tarix: 18-09-2021 08:39 | Bölmə: İqtisadiyyat
Rusiya şirkətləri Qarabağda "ağıllı şəhər" tikmək istəyir

Rusiya şirkətləri Azərbaycanın azad edilmiş ərazilərində layihələrin icrasına cəlb oluna bilərlər.

Reyting.az
xəbər verir ki, bunu “Trend”ə Rusiya İxrac Mərkəzinin (RİM) Azərbaycandakı nümayəndəliyinin rəhbəri Nuri Quliyev deyib.

Onun sözlərinə görə, hazırda RİM Azərbaycan tərəfindən maliyyələşdirilməsi mümkün olan investisiya layihələrinin açıqlanmasını gözləyir:

"Noyabr ayında biz Bakıda Rusiya şirkətləri üçün "Smart City" biznes missiyasını keçirməyi planlaşdırırıq. Bu tədbirdə 30-dək şirkət iştirak edəcək".

N. Quliyev qeyd edib ki, missiyaya əsasən dəmir yollarının tikintisi və istismarı şirkətləri, iri avtomobil istehsalçıları, tikinti şirkətləri cəlb olunacaq. Bununla belə, əsas diqqət informasiya texnologiyaları sahəsi üzrə şirkətlərə veriləcək:

"Bu tədbirin təşkilinin əsas məqsədi Azərbaycanda "ağıllı şəhər"lərin tikintisi ilə bağlı texnologiya və innovasiyaların cəlb olunmasıdır”.

N. Quliyev bildirib ki, Azərbaycanın azad edilmiş ərazilərində müasir şəhərlərin tikintisi sahəsində Rusiya həllərini tətbiq edəcəyik.




Bölməyə aid digər xəbərlər
19-04-2024, 10:39 Bitcoin ucuzlaşıb

{sape_links}{sape_article}