17:38 / 28-03-2024
Əməkdar artist vəfat edib
İşğaldan azad edilən ərazilər hesabına taxıl istehsalı əhəmiyyətli dərəcədə artacaq
Tarix: 15-10-2021 14:46 | Bölmə: İqtisadiyyat
İşğaldan azad edilən ərazilər hesabına taxıl istehsalı əhəmiyyətli dərəcədə artacaq

“Torpaqlar işğaldan azad olunandan sonra Dövlət Ehtiyatları Agentliyinin yaradılması, taxıl ehtiyatları ilə bağlı qanuna dəyişiklik edilməsi strateji əhəmiyyət daşıyır. İşğala qədər Qarabağ kənd təsərrüfatına böyük töhfələr verirdi”.

Reyting.az
xəbər verir ki, bunu Milli Məclisdə çıxışı zamanı deputat Əli Məsimli deyib.

Onun sözlərinə görə, Azərbaycanda Taxıl Fondunun yaradılmasının strateji əhəmiyyəti getdikcə artır.

Ə. Məsimli qeyd edib ki, Azərbaycan öz taxıl istehsalını 4 milyon tona qaldıra bilər: “Buna nail ola bilsək, idxaldan asılılığı azaldarıq. Biz işğaldan azad olunmuş torpaqlarda da taxıl istehsalına yanaşmanın necə olacağına qərar verməliyik. Azərbaycanda 50-dən artıq taxıl sortu yetişdirilir. Milyonlarla manat vəsait ayrılır. Bu, süni surətdə yaradılmış maneədir ki, biz xaricdən taxıl gətirək?! Bu, Azərbaycandakı taxılın keyfiyyətinin aşağı olması ilə bağlıdır, ya yox? Buna aydınlıq gətirilməlidir. Əgər bizdə taxılın keyfiyyəti aşağıdırsa, işğaldan azad olunmuş yerlərdə bunu etməməliyik. İdxala sərf olunan vəsaitin az bir hissəsini Azərbaycanda fermerlərin dəstəklənməsinə və toxumçuluğun inkişafına sərf etsək, müsbət nəticə əldə edə bilərdik. Amma idxala meylli şəxslərin olduğu görünür. Taxıl Fonduna daha çox öz taxılımızın cəlb edilməsi istiqamətində hökumət təsirli tədbirlər görməlidir”.

Sahibə Qafarova isə qeyd edib ki, dinləməni bir sual üzərində qurmuruq: “Ancaq mövzu olsa, dinləməni keçirə bilərik”.

Aqrar siyasət komitəsinin sədri Tahir Rzayev isə qeyd edib ki, ilin yekununda müvafiq komitələrlə və Kənd Təsərrüfatı Nazirliyi ilə birlikdə dinləmə keçirməyi nəzərdə tuturlar:

“Əli Məsimlinin dediklərində həqiqət var. Son 2 ildə Azərbaycanda taxıl istehsalı azalıb. İşğaldan azad olunmuş ərazilərin bərpasından sonra ölkədə taxılçılığın inkişafına daha çox diqqət yetiriləcək”.




Bölməyə aid digər xəbərlər
{sape_links}{sape_article}